63
Pedro amoj tanankili, konwik nij tepostatejtekil wan yajki, kitemoto in okot. In tamiktil moj chiwak keman kajka 12:00 tajkó tonal, ijwak Pedro pewa kitejteki in okot kej yetoyaj ikan noj weyinana wan yejwa amoj tanawati ijwak wetsis. Melau kijtowa noj tata kej amoj motachilijke nochi panoj nenken kuaj yejwa kitaj nij nana momikilijkayaj ipan in kuamait, yejwa mojnapalolti wan ilwiyak ajko tachak wan taixpantili: —¡Amoj xi mikij nonantsin! Kaj teixayoj wan kualanalis kixitak nijniu wan kiyolilwi: —¡Tij tami noj miak nemilis! ¡axkan xi yaj temiktijketl! Pedro amoj choloj, temok nej altepet tanawatito in tayekame maj kipalewikan kaj nijin tetsawit wan, ijkon kin tatautij kej amoj nakin nij tajtakol kej katka tajtakol in ejekat wan yejikon maj amoj tanawatikan in tepostapixme. Tech 3 tonalme noj weyinana kij tokake wan noj tataikniu moj poloj nochipa, axkan tonal amoj tij matij kan nemij tech noj kalijtik amoj tij nekij tikmatoke kej yejwa nij tajtakol nij mikilil noj weyinana.
Libro7 De familias, migraciones y caminos.indd 63
17/10/12 14:08