11
K
oni ndakani ndyaxa iin xii tae xina kixae ntatoe xi into ña tae nita’a kuve ña kuura Fredo raxa’ano noo nti’iti, Lalo, Jenni ña kuuyu, tivera loo noo nti’iti nane naniña Koria López, tate Costa Juárez ko ii kara xi iti ñakakia ni notaa nane xii nana xanoe kixa’ana yoo ntatukuna nchachi kuntena xaa ño oti kuvi kane chinoo, nikixa nane yo, ni notaa nane koa inka xiyo na kuvi kotoa ntuu nana xanoe naniña Tacia Florez nixitoa ntuu iyo iina ntoo ntixata ini chi su ino kia ña tato ntii tae ino nte eti ntakuae xinteni nana xanoe chi ni xitoa yuu xii kuve nikaña kuiyaña uvi xkoxi uxa iyo nana ña xia naniña Jacinta Cervantes nikaaño kuiyana komi xiko uvi kua nta kuiyaña vaa nta xinoa tato yuu va a xikaña iyo tixuuña mia ncha aña ti kusi inia ncha ati ntatoe kua nta xi’i tuvi mi ina no o ka nane xachi mia ni xiyoa inka xiyo ntii nta kuiye sa a keta iin kuira ña ni kixaña no’oti kuu. Nu’untuva in noolo nani Sa Juan Piña yuu nikakui yoo noo nte eti su na to’o kae ña kuu to’on tavi ntatoe xii nti ita tae kutoe ntixa nta chi kusi initi kaanti xaa ñaa ño’oti. Ntakatoe nana xanoe- ¿chara kaa no oti? mia ntakuia ¡hay! Ntixa nta ñochi kaa iyo ito na’ano kaa xaxina yuva na vixi itu, ntuchi, xita ña noni kaa ntee taa nana xanoe na kuuvi nana xanoe ni saachi ni xii savana. Nana xanoe kaa na xi’iti na kaa iyo ño ona no chiina kaa chiina, na itu, ña ti piña, ña ti mango, ntika, ti café chi ini savati. Noo ñoe sa ana viko ña paskua, ña noo xaana sa’avi no ona, ña viko kusi inina, rakutoe koe iin kii. Kutati ini ña ntakanina xiira kuvi koe ña mia viko sa ana.
Libro7 De familias, migraciones y caminos.indd 11
17/10/12 14:08