KJUÀKITAKUN NGA KUNDA XUJUN ENÑA Tuxi kji kú bexkiya énña nguieje niskindi xi tjima ndàxùjùn, kui xu
kjua nga kinínda xùjùn én Naxijen.
Tsú xùtà xi ‘ñu chjìnè, tsanga en’e xi chja niskindi bakúyare, nguisa xu xáti kumáre xùjùn kú nguisa xu chàn kuit’e najmi xi incha bakúya, kuàxúcha tjin nga nda kuàji kjuakítakun’e. Xuta xi ’yenda kú kiski najmi xi kjit’a kui xujun, tusubá xuta xi máre enña, xuta xi je ‘ñu kuchjine, kú be kjuà kitakun’e xutá nangui’e. Kui xujun kunda xi kuàchá bátexuma xujun jma kjit’a nga kumá tjatseya xi kúcha bakuyare niskindi,xi kis’èndá re xi Tetjun nu 1993. Kui xu kjua nga tjinña xujun jmanga bakuya en’e niskindi ndaxujunña. Xki nu xki nu xu ma tjatseya kui xujun, ngat’a kuàxúcha je tjin nga kis’endare nga ngu ngu xi Tetjun xi chaja nguieje naxinanda Méjikoñá. Nitjatseyaxu kui xujun xi kúcha nga nda kùmáre xujun niskindi, chjayaxkixu xi kúcha chjà kú xi kúcha tjin kjuakitakun’e. Tsanga tjinxu xuta chjine (maestros) xi nguítku xa’e ndaxujun (Supervisor, Jefe de Zonas, etc.) nami’e niskindi kú xi mejere nga nda s’endá kui xujun enña, maxu tjsua kjuàkítà kun’e kjo tsa tsikasen en’e mi xi mejere nga set’a xujunña. Nik’uéchjire nguieje ja chjine xujun, kú nguieje nami’e niskindi nga tsasére nga kúcha kunda kui xujun xi tsichjen’niskindi nga tjima ndaxujun.
libro4669.indd 7
11/7/05 1:53:09 PM