4 Xorû nziyo
Nu k'o ri tsja ñe k'o ra dyak'ûji Texe in dyojui k'o kàràji k'a na ngumû, texeji ra pjoxteji mbara b'ûb'ûji na jo, nu tata, nu nana ñe yo ts'it'i. Nu ma ra jyasû nu tata juns'û nu chjuns'û kja ra ma b'epji mba ra ndònjò merio, ngek'ua ra ndomû nu k'o ra ziji ñe ra ndòmû texe nu k'o idya pesi yo dyoji k'a nu ngumû. Nu nana ts'i ni ñangû, ra kûjnû, ra pech'i xedyi, ra jyokû jñonû ngenk'ua ra uiñi nú pale ñe yo ts'it'i, ra paxû k'a nu ngumû, ra mbexp'e yo jmi yo ts'it'i mba ra moji k'a nu ngunxorû ñe ra mborû, ra uiñi yo ngoñi, âjnâ yo mbaru k'o tsânjâ. Yo ts'it'i ra tunji ndeje, ra jyod'ûji zaa mba ra dyorûji, ra pjorûji yo dyoxû k'o pesiji k'a nu ngumû ñe ra mbosûji nú tata ma ra tujmûji yo juajmû. Nu tata ñe nu nana, ra neji na punkjû yo ts'it'i, ra jñunspûji na chjùù nu mo ra mimi, ra uiñiji na jo, ra jyecheji, ra mborûji na jo mba idya ra dyeji, ra dyât'âji nu mo ra zodye ñe ra ndàji ra maa k'a na ngunxorû. Yo ts'it'i ra neji na punkjû nú tata ñe nú nana, angezeji nge k'o unûji texe nu k'o nee mbara teji na jo.
36
Jñite ñanto
Orden 4436.indd 36
3/28/07 5:50:52 PM