Era òbra dera saga Castells, pèces de musèu Era òbra artesanau de Martí Castells, era des sòns frairs e era des sòns nebots, tanben a passat a hèr part deth hons de musèus, simbèu dera sua valor patrimoniau, culturau, e deth sòn encastre escultoric generat coma ua veritabla òbra d’art. Era catalogacion des figurines de presèp en musèus permet era sua preservacion coma elements qu’illustren o conden era nòsta istòria, tant sociauments coma cultu rauments, e en parallel tanben signifique
176
garantir era sua conservacion coma òbra d’art. Era preséncia de figurines de Martí Castells enes musèus ei, per tant, ua reconeishença ara sua òbra e, ar encòp, ua garantia entara sua corrècta conservacion en discors e ena tradicion deth presepisme. Son diuèrsi es musèus e exposicions permanentes en Catalonha, en Espanha, e tanben a nivèu internacionau, que possedissen entre es sues referéncies òbres de Martí Castells Martí, des sòns frairs e des sòns nebots, en tot hèr part des sues exposicions permanentes e deth hons des sues resèrves.