(ekipa hamós/foti foer). Ekipa sira ne´e, dispersu tuir vias komunikasaun, sei responsável individualmente ba konservasaun diak ba parte husi estrada ne´ebé iha sira nia responsabilidade, nune´e asegura katak estrada nia kualidade no seguransa diak no fó servisu diak ida ba sidadaun sira ke uza estrada hirak ne´e. Esforsu finanseiru atu selu saláriu ba funsionáriu sira ne´e iha impaktu pozitivu tebes iha nível distribuisaun rendimentu iha teritoriu tomak, ne´ebé sei fó benefisiu ba família barak no ao mesmu tempu permite redus despeza ho obra manutensaun no rekonstrusaun ke Munisipiu tenke halo sekarik la kuida estrada hirak ne´e. Rede viáriu ho ámbitu munisipal Munisipiu tenke asegura manutensaun adekuadu ba estrada ne´ebé iha ona no loke estrada foun atu liga Munisipiu‐ Postu Administrativu, Postu Administrativu – Suku no Suku‐Aldeia. Potensial boot ida ba desenvolvimentu Manatuto maka nia pozisionamentu geoestrategiku úniku iha nasional. Situadu iha rejiaun sentru nasaun nian no liga kosta rua, benefisia husi sentralidade ida ke tenke hatene hasai proveitu ba nia dezenvolvimentu rasik. Relevu iha Timor‐Leste, karaterizadu husi kadeia foho barak ke halai ho sentidu leste‐oeste, kria separasaun natural entre norte no sul pais nian. Kadeia foho ida ne´e no bareira natural hetan deit iha rejiaun sentru Manatuto grupu foho iha jigante rua nia let, Foho Ramelau no Foho Matebian, ne´ebé aprezenta relevu ho altitude kiik. Singularidade jeomorfolójika ida ne´e no pasajem natural iha rejiaun sentru munisipiu nian fó dalan atu estabelese ligasaun Mantuto‐Natarbora hanesan via estruturante ida ke bele liga norte ho kosta Tasi Timor no auto‐estrada ba kosta sul. Kirkulasaun veikulu pasageiru no merkadoria hanesan elementu ke potensia komérsiu, negósius, servisus no turismu, nune´e sei aprezenta tuir mai proposta balu ke bele potensia dezenvolvimentu atividade hirak ne´e. Hanesan proposta ba prinsipal obra konstrusaun hirak no loke estrada foun, aprezenta iha mapa iha sorin intervensaun estruturante lima ke konsidera hanesan prioridade: Tuqueti‐Remexio Estrada ida ne´e permite halo ligasaun via Rebutigeon no Remexio husi Dili ba kosta sul no Viqueque lais no diretu. Tuqueti‐Laleia Konstrusaun ba estrada foun ne´e sei fó asesu ba rejiaun ne´ebé baibain la´iha asesu adekuadu, nune´e servi populasaun husi Cairui no Raimea. Laclubar‐Turiscai‐Ossu Estrada ke permite ligasaun husi kapital munisipiu ba munisipiu Manufahi, Ainaro no Covalima. Iha faze sgundu ida no ho kolaborasaun ho munisipiu Viqueque tenke halo ligasaun ho Ossu, nune´e permite definisaun eixu ida iha este‐ oeste iha rejiaun sentru pais nian. Natarbora‐Kosta Sul
Konsulta Publiku 2013
Page 72