4.1. Agrikultura
Sektor Agrikultura hanesan sektor ida ne’ebe importante liu iha Município Aileu. Hare kondisaun klima ne’ebe Aileu iha potensial tebes iha Seitor Agrikultura, refleta tebes ba iha pratika moris lor-loron nian, realidade maioria povo Muncípio Aileu moris ho vida Agricultura, númeru ki’ik liu mak moris hanesan: Funsionario Publiku no negosio iha sector privado.
Governu sei enkoraja sector agrikultura atu sai forte liu tan, hodi nune’e bele redus pobreza no garante siguransa alimentar no promove krecimentu ekonomiku hodi aumenta emprego iha areas rurais no iha Nação Timor Leste tomak . Sector agrikultura ida ke buras ho diak maka sei estemula ( insentiva ) dezenvolvementu rural . Planu estrategiku Dezenvolvementu Nacional define vizaun ida ke klaru kona ba oinsa dezenvolvementu sector agrikultura. Agrikultura nebe subsistensia sei transforma ho karakter agrikultura moderna no inovativa hodi aumenta produsaun ba komersiu nebe bele hasae rendimentu familia nian. Nuneé Municipio Aileu sei iha hahan nebe sufIsiente no sei produz produtu agrikultura ho nia kuantidade nebe bo’ot ho nia kulaidade ba merkandu Munisipal, Nacional, Internacional, inklui ai-han, animal, aifuan no modo no produtu sira seluk, nebe existente iha Aileu.
73"