Proyeutu d’ociu
c ampast ur
AcampAstur sel mana d’ i nmer si ón
l l i ngüí st i c a
Pr oyeut ud’ oc i u Cur sudemoni t or d’ oc i uyvagar .
Deni sSor i aFer nández
Mayude2013
Proyeutu d’ociu
Denis Soria Fernández
Índiz 1. Llocalización temporal…………………………………..3 2. Actividaes…………………………………………………….4 3. Oxetivos……………………………………………………….5 4. Metodoloxía…………………………………………………..6 5. Conteníos………………………………………………………6 6. Recursos humanos………………………………………….7 7. Recursos materiales y económicos…………..…7 8. Evaluación…………………………………………….…8
1
Proyeutu d’ociu
Denis Soria Fernández
1. Xustificación Les llingües son más fáciles de deprender cuando consideramos que son ferramientes de comunicación útiles y necesaries. Asina, esti proyeutu d'ociu propón la realización d'un campamentu d'inmersión llingüística que tenga como métodu pedagóxicu'l forciar situaciones nes que seya imprescindible espresase n'asturianu. La necesidá d'esti tipu d'iniciatives ye doble, per un llau anguaño nun esisten entidaes dedicaes a la realización de campamentos nes que l'asturianu seya idioma vehicular o elementu protagonista y, per otru, la falta de relevu xeneracional nel usu de la llingua asturiana convierte n'urxentes actividaes y dinámiques qu'averen esi patrimoniu llingüísticu a les nueves xeneraciones y lu pongan en valor. Nesti momentu podemos dicir que la sociedá asturiana vive nuna situación de billingüismu desequilibráu, que tien voluntá de preservar l'idioma propiu, pero ta poco concienciada sobre los problemes d'ésti. Magar, la demanda d'actividaes complementaries a la precaria escolarización n'asturianu, la tendencia haza un mayor prestixu y estima social sumao a una diversificación del movimientu de reivindivación llingüística -exemplificada nel surdimientu d'asociaciones de families pol asturianu, como ye'l casu de Reciella- facilita l'apertura d'un mercáu receptivu a esti tipu de productos.
-
Analís DAFO Fortaleces Analís Internu
· Mercáu incipiente y fiel. · Baxa concienciación social. · Usu de la llingua propia. · Falta d’ayudes o · Aumentu del prestixu y estima social. subvenciones publiques. · Mercáu tovía llimitáu. Oportunidaes
Analís Esternu
Debilidaes
· Novedá y falta de competencia. · Requier de poca inversión. · Nueves organizaciones de families. · Interés de los centros docentes. · Diversificación del movimientu de reivindicación llingüística.
Amenaces
· Estancamientu cultural. · Crisis económica
2
Proyeutu d’ociu
Denis Soria Fernández
2. Destinatarios El campamentu ta empobináu a alumnos de primaria o del primer ciclu de la E.S.O (6 a 14 años). Con too ello, el mercáu oxetivu corresponderá a los padres o tutores d'éstos, asina como a los distintos colexos y institutos asitiaos a lo llargo del dominiu llingüísticu asturlleonés, preferiblemente nel área asturianofalante d'Asturies (Navia-Pendueles).
3. Llocalización espacial Les distintes actividaes tendrán llugar nel valle altu del Nalón, concretamente nos conceyos de Llaviana, Casu y Sobrescobiu, allugándose nesti últimu l'albergue 'El Alba' onde s'agospiará'l grupu d'educandos (C/ El Cantón - San Andrés, Soto). L'albergue en cuestión, una vieya escuela de neños con más de 100 años d'historia, consta de 30 places con lliteres distribuyíes en 4 dormitorios grandes, duches y llavabos, calefaición, bar/comedor con chimenea, lludoteca, biblioteca y wifi gratuitu. Per otra parte, el bar ofrez la posibilidá d'esfrutar platos típicos (pastel de tiñosu, quesos asturianos, choricinos a la sidra...) y se faen comíes por encargu con productos llocales (fabada, pote, corderu...). Amás, con avisu previu, íguase un menú vexetarianu. Ésti espaciu poseye una bayura natural y cultural considerable. Amás, podemos dicir que ye una zona onde -con mayor o menor interferencia del castellanu- l'asturianu tien una presencia mayoritaria, un factor que lu convierte nun llugar abondu afayadizu pal desendolcu d'un campamentu d'inmersión llingüística. Hemos de sorrayar que ye un eventu que nun tien por qué tener un escenariu fixu, y que podría treslladase a otros emplazamientos mentanto cumplan con ciertes condiciones.
4. Llocalización temporal Tratándose d'un campamentu de 5 díes podría llevase a cabu en distintes feches del añu. De manera predileuta, nos meses de xunetu a setiembre o selmana santa. Sicasí, siendo una actividá ufiertada a colexos, eventualmente podríense baraxar otres dates.
3
Proyeutu d’ociu
Denis Soria Fernández
Organigrama estándar 8:30 Diana, almuerzu 9:30 Clases d'asturianu 13:00 Actividá de mañana 14:00 Xinta 16:00 Talleres 17:30 Merienda 19:00 Actividá de tarde 20:00 Ducha 20:30 Cena 21:30 Actividá de la nueche 23:00 Bones nueches
5. Actividaes Los animales Fadrémos una visita a una granxa, equí los educandos tendrán un averamientu pedagóxigu al mundu animal. Al traviés de la observación y del tratu con diferentes animales (oveyes, cabres, vaques, caballos, aves, gochos...) los alumnos identificarán les sos carauterístiques morfolóxiques, desplazamientu, alimentación, reproducción o utilidá pal ser humanu y pal entornu.
La Tierra Dempués d'una clas d'asturianu especializada nos planetes, el sistema solar y l'autorreconocimientu dientro del universu. Fadremos una visita a una güerta-escuela allugada n’Entrialgo (Llaviana) na que los alumnos empuercaránse les manes trabayando la tierra, deprendiendo a reconocer la morfoloxía terrícola, les estaciones del añu, los árboles y les plantes más venceyaes a la cultura asturiana y de les que dependemos na alimentación. Finalizará con un taller con semientes y pela nueche habrá una actividá d'observación d'estrelles.
4
Proyeutu d’ociu
Denis Soria Fernández
El mundu de les abeyes Visitaremos la fábrica "Miel y llicores Vayú", en Llaíñes (Sobrescobiu). Ellí los educandos deprenderán tolo rellacionao cola apicultura, asina como la importancia d'estos insectos pal ser humanu y pal entornu (polinización, producción de miel...). Habrá una proyeición d'un documental sobre les abeyes, visitaremos los truébanos y prebaremos la miel.
La cultura asturiana Sedría'l día más importante por temática, númberu de talleres y actividaes; Pela mañana visitaremos el Muséu de la Madera y la Madreña n'Orllé (Casu), centrarémonos na arquiteutura tradicional cola realización d'una yincana per Caliao (tipoloxía de viviendes, horros veyuscos...). Pela tarde fadremos una maratón de xuegos tradicionales (bolos, liriu, llave...) y pela nueche habrá un cuentacuentos nel que los vieyos y vieyines vendrán a encantar a los neños colos cuentos tradicionales del conceyu.
La Natura Realizaremos una parte de la Ruta l'Alba (Sobrescobiu). Equí los monitores dirán ilustrando a los alumnos al rodiu los distintos árboles y plantes autóctones silvestres. Habrá una especie de yincana onde los neños tendrán que buscar y discriminar aquella flora aprendida antemanadamente (señalándoles o fotografiándoles). Asina mesmo, entamaríemos dellos xuegos y talleres nel mediu (tiru cuerda, carrera de sacos...). Finalizaremos visitando l'embalse de Rusecu, onde habrá un taller sobre aves y pexes.
6. Oxetivos -
Deprender el vocabulariu n’asturianu rellacionáu coles actividaes propuestes. Deprender a saludar, a presentase, a espresase y a comunicase n’asturianu con mayor fluidez. Distinguir y estremar ente animales domésticos y salvaxes. Identificar y valorar los beneficios qu’éstos proporcionen al entornu y al ser humanu. Describir a los animales y a les plantes n'asturianu. Conocer el nome de los animales y plantes n'asturianu. Deprender dellos criterios d'identificación. Reconocer el sistema solar 5
Proyeutu d’ociu
-
Denis Soria Fernández
Identificar al planeta tierra Describir al nuesu planeta. Autorreconocimientu como pueblu dientro d’un sistema interrellacionáu. Concienciar a los neños nel respetu haza l'entornu Participar y esfrutar nes actividaes propuestes. Reconocer los continentes. Conocer los movimientos de la Tierra y de la lluna y les sos consecuencies. Diferenciar ente'l Sistema Solar y los sos componentes (Sol, planetes, satélites, asteroides, nebuloses y cometes). Conocer el nome n’asturianu de les estrelles, constelaciones, y galaxes (Camín de Santiagu). Conocer les carauterístiques básiques del oficiu d'apicultor y el so vocabulariu n’asturianu. Reconocer l'arquiteutura tradicional asturiana. Deprender dellos xuegos tradicionales. Espertar una sensibilidá pola llingua y la cultura asturiana, asina como polos sos falantes.
7. Metodoloxía -
Clas diaria n’asturianu orientada según l’actividá a desenrollar nesa xornada. Talleres (pa clasificar o dar de comer a los animales, con plantes semientes, creación de murales, lluvia d’idees…). Cuentacuentos. Xuegos (¿Qué animal soi?, mímica, tradicionales…). Rutes a caballu o a pie. Participación activa en situaciones comunicatives. Estudiu del vocabulariu propiu de la unidá.
8. Conteníos -
Conceutuales • Vocabulariu rellacionáu colos animales y el so entornu. • Colores y axetivos. • Partes del cuerpu de les persones, de los animales y de les plantes. • Descripción de los animales y plantes. • Animales y plantes en peligru. • Los seres vivos y la so clasificación. • Los derechos de los animales. • Sistema Solar. 6
Proyeutu d’ociu
Denis Soria Fernández
• Planetes. • Cuerpos Celestes. • Fisioloxía de la Tierra. • Continentes. • Camín de Santiagu. • L’Apicultura. • L’Arquiteutura tradicional. • Flora y fauna autóctona. • Tradición oral. • Intrahistoria.
-
Actitudinales • Amosar una actitú positiva haza l'usu de la llingua asturiana nes actividaes. • Respetu haza los animales. • Collaboración y participación colos compañeros. • Curiosidá por deprender vocabulariu nuevu rellacionáu colo estudiao.
9. Recursos humanos Sedríen necesarios un par de monitores d'ociu y vagar, ensin incompatibilidá de tener a ún o a dos más en práutiques.
10.
Recursos materiales y económicos
-
Agospiu y restauración: 870€ Material didáuticu y llúdicu: 70€ Nómines: 600€ Tresporte (autobús): 1000€ Seguros de responsabilidá civil y accidentes: 150€ Entrada al Muséu de la Madreña: 90€ Entrada al Muséu de l'Apicultura: 60€ Entrada a la güerta-escuela: 100€ Total: 2.940€
-
Preciu a cobrar por neñu: 200€
-
Beneficiu netu pa la empresa: 2660€
7
Proyeutu d’ociu
11.
Denis Soria Fernández
Evaluación
Al traviés de la valoración suxetiva de la esperiencia de los neños per parte de los monitores, y del repartu d'encuestes ente los padres, tutores y centros docentes cuido que se podría tener una visión clara sobre l'ésitu o'l fracasu del campamentu.
8