Anong ibang mga bagay ang magagawa mo pagkatapos ng iyong trabaho? Itala sa ibaba. _____________________________________________________________________ ____________________________________________________________________ ___________________________________________________________________ ___________________________________________________________________________ Ihambing ang iyong mga sagot sa mga halimbawang sagot sa Batayan sa Pagwawasto sa pahina 54. Pareho ba ang iyong mga sagot sa akin?
Tandaan Natin ♦
Tunay na nakakatulong ang teknolohiya na gawing higit na madali ang ating gawain. Dahil dito, mas madali na rin ang ating buhay.
♦
Laging tandaan ang mga sumusunod na payo kapag gumagamit ng mga produkto ng makabagong teknolohiya.
♦
Lahat ng mga kasangkapang elektrikal ay may maseselang bahagi na hindi dapat mabasa. −
Gumagamit tayo dito sa Pilipinas ng dalawang uri ng boltahe, 110 at 220, depende kung saang bahagi ng bansa ka naroroon. Mga kasangkapang nabibili sa ibang bansa ay nangangailangan rin ng iba’t ibang boltahe. Kaya’t kailangang siguraduhin muna ang boltahe ng kasangkapan bago ito gamitin.
−
Maraming bahagi ang mga kasangkapan na madaling masira kapag hindi wasto ang paggamit dito. Mag-ingat sa paggamit sa mga ito.
−
Ilayo ang mga kasangkapang elektrikal sa mga maalikabok na lugar. Linisin nang madalas ang mga ito.
−
Lahat ng mga kasangkapang elektrikal na binibili ay may manwal. Huwag kakalimutang basahin ang manwal bago gamitin ang kasangkapan. Huwag isiping alam mo na ang iyong gagawin.
31