A COMUNICACIÓN EN GALICIA 2002
cias publicitarias. A saturación da programación televisiva por contidos non programáticos “...supón a perda de eficacia do mercado publicitario e é prexudicial para tódolos usuarios da publicidade...”3. O abarrotamento vai, ademais, en detrimento das pequenas cadeas, mentres que consolida e expande as grandes empresas. O anunciante, para consegui-la mesma eficacia, debido á saturación, ten que utilizar máis pases dos anuncios publicitarios, o que provoca un maior custo por impacto. A ocupación do espacio televisivo, debido á necesidade de duplicar ou triplica-los pases publicitarios das grandes firmas para consegui-la incidencia desexada no consumidor, failles prohibitivo o acceso a este medio ós pequenos anunciantes. Os contidos publicitarios e promocionais, que nalgunhas ocasións superan os límites do soportable, aumentan en detrimento da programación. Por outra banda, é preciso subliñar que a autopromoción das propias cadeas se percibe como publicidade e debilita en boa medida a eficacia dos contidos puramente comerciais. UTECA4, entidade que agrupa a Telecinco, Antena 3 e Canal +, está en contra da concesión de novas licencias de televisión no mercado, sinalando que, a pesar desta saturación de materiais non programáticos nas emisións das cadeas privadas, a presencia de novos operadores contribuiría a fragmenta-la audiencia e provocaría inestabilidade no sector. A Asociación de Empresas Anunciantes (AEA), pola contra, reclama que lles dean concesións a novas televisións comerciais. Apuntamentos sobre as axencias de publicidade en Galicia: volume de negocio e novas perspectivas O directorio das 10.000 principais empresas de Galicia e Norte de Portugal do ano 2001, publicado por ARDAN, presenta 67 empresas dedicadas á publicidade na nosa comunicade. Desta relación, facemos unha selección de 22 empresas mediante un criterio baseado na facturación. As empresas sinaladas no cadro número 2 facturan, alomenos, un millón de euros ó ano. Nesta listaxe de axencias de publicidade pódese [3] El Publicista. N.º 34, novemobservar que, en Galicia, a concentración xeográfica deste secbro de 2000; p. 13. tor sitúase na cidade da Coruña. Das 22 empresas que facturan [4] Unión de Televisiones máis dun millón de euros, catorce (63%) están situadas na Comerciales Asociadas. Coruña, cinco en Vigo (22,7%), dúas en Santiago (9%) e unha en
91