IX REFUGA'L FUNDAMENTALISMU ECOLÓXICU DE LA MINISTRA RIBERA Y LA SO DESCARBONIZACIÓN EXPRÉS ▶ La que se refuga de planu una descarbonización exprés según la
"atayante oposición a cualquier intentu irresponsable per parte de la Ministra Ribera, adalid del fundamentalismu ecolóxicu, de convertir el qu'ha ser un cambéu de modelu,o enerxéticu paulatín, xustu y equilibráu, dientro del marcu fitu nos Alcuerdos de París, nuna azotada y sópita rotura que nos asitiaría nun escenariu d'incertidume enerxética". Pa IX ye imprescindible apangar los efectos del cambéu climáticu y encetar les causes del mesmu pero de forma equilibrada y dando alternatives de futuru a cuenques y territorios que'l so futuru veríase comprometíu si'l procesu realizará de de forma abrupta, condergándolos a la desertización. IX reclama, amás, compromisu al Gobiernu autonómicu "la configuración d'una alianza política, sindical y ciudadana dientro d'Asturies, coordinada colos representantes institucionales y sociales d'otres comunidaes autónomes y otres rexones europees entamaes en redol a la Plataforma de Rexones Carboneres en Trasición na UE". El coordinador xeneral d’IX Asturies, Ramón Argüelles, foi especialmente críticu col modelu que trata d'imponese pola nuevu ministra y cuestionó si'l fin últimu d'esti cambéu de modelu pue suponer una apertura del alderique sobro la enerxía nuclear, qu'en dellos países de los que torguen el fin del carbón tán tratando d'impulsar. El dirixente d'IX calificó'l cambéu nel aldu pilotáu pola Ministra Ribera de "unillateral ya irresponsable", pos pretende camudar d'un refundiu un modelu granible que modeló Asturies dende va sieglu y mediu. España, a xuiciu d'Argüelles, camudó de bandu, alloñase de posiciones como l'alemana y failo averándose a la holandesa y d'otros países del norte onde quier apostase pola enerxía nuclear. Frente a esa posición, Argüelles adelantró qu'IX Asturies asitiarase al pie de les necesidaes de la so población y nun va faer el xuegu a les grandes enerxétiques qu'agora, sol mantu del ecoloxismu, traten de dase una llavadura d'imaxe que nun respuende a los intereses de la ciudadanía sinón de les sos propies cuentes. La coordinadora monográfica abriola l'Alcalde de Mieres, Aníbal Vazquez, quien, nesta materia, afirmó nun sentise representáu por nengún partíu en Madrid. Claramente enoxáu, el rexidor esixó que la descarbonización faigase ensin cargar de nuevu nos territorios mineros y na so clase trabayadora'l pesu de los cambeos de modelu. Tamién foi bien crítica la coordinadora nesi condergamientu, Beatriz González Prieto, que recordó que los fondos mineros sirvieren p'ameyorar infraestructures pero que nun fueren abondo pa detener el cayer, polo qu'esixó qu'esta nueva vuelta de tuerca contra les cuenques del carbón llegue con midíes afeutives pa evitar que'l zarru nun sía solo d'un sector económicu sinón de tou un territoriu.. Jaime Gareth Florez, secretariu de Converxencia d'IX, enfatizó nos problemes qu'entá antes de la puesta en marcha de midíes de descarbonización exprés amuesen territorios mineros como'l sur occidente asturianos que sufren yá los impactos directos de la llei de transición enerxética con unes escamplaes perdedores: los y les trabayadores de les empreses d'esplotación privaes que sían nuna situación de crisis total. Pela so parte, l'Alcalde de Morcín y vicepresidente de ACOM, Máximino García, sollertó de que la descarbonización va más allá del zarru de mines y térmiques y que'l so caláu afecta a la mesma estructura del sistema granible, polo que les sos implicaciones, si se caen de forma azotada, puen suponer el colapsu de la economía d'Asturies. ■
IX RECLAMA A DELIA LOSA UNA TRANSICIÓN ENERXÉTICA ORDENADA Y CONSENSUADA COLA COMUNIDÁ AUTÓNOMA ▶ Los diputaos d'IX que güei s'axuntaron cola Delegada del Gobiernu n'Asturies, Delia Losa, teníen clares les esmoliciones d'IX na comunidá autónoma: los efectos de la transición enerxética que plantega l'Executivu de Pedro Sánchez, la situación de la minería nel Suroccidente y la situación del campu cola posible eliminación del usu tradicional del cuchu y ñlos purinos. Ovidio Zapico, responsable de los asuntos d'Emplegu, Industria y Turismu nel grupu parlamentariu, treslladó a la Delegada del Gobiernu la necesidá de que la transición enerxética realícese de forma dialogada, con aselu del alcuerdu de la comunidá autónoma y pidió, de la mesma, que'l Gobiernu de Pedro Sánchez, al que Delia Losa representa na comunidá, estableza un nuevu plan de la minería en 2019 que garantice la continuidá del carbón y la minería público y quitao dientro del mix enerxéticu.
Ovidio Zapico, quien nomó de positiva la xunta, esplicó que na mesma compartieron puntos de vista comunes sobro una transición enerxética que nun puede realizase de forma azotada, de cuenta que sía una rotura, sinón una transición encetada dende la seriedá, l'aselu, dende'l diálogu y l'alcuerdu cola comunidá autónoma. Zapico alvirtió que les consecuencies d'una descarbonización express son de toos conocíes y que éstes “esmolecen enforma” a IX porque van ser bien negatives pa la economía, la industria, l'emplegu y la demografía de la comunidá autónoma. “Pidimos a la Delegada que tresllade esta esmolición por que se faiga xuna transición pausada y apautada, por que sía xuna oportunidá de futuru y non de zarros”, esplicó al términu de la xunta d'una hora na que tamién tuvo presente la diputada María José Miranda, quien treslladó les repercusiones de la transición enerxética nel campu asturiano. ■
19