CASSAVA FARMERS SA LAS NIEVES NAGSUGOD NA SA PAG-ANI SA 30-EKTARYAS NGA DEMO FARM By Angel Lyn F. Gaviola
Nagsugod na og ani sa ilang abot sa cassava ang mga mag-uuma sa Las Nieves partikular ang mga mag-uuma sa Brgy. Lingayao, ang sentro sa model farm sa 30-ektaryas nga uma sa balanghoy. Ning nakalabay nga Nobyembre 27 lang, gihimo ang usa ka technical briefing alang sa mga makinaryas nga gitunol sa Department of Agriculture kun DA Caraga sa mga maguuma alang sa ilang pag-ani ug pagproseso sa abot. Sumala ni Miguel Velasco, ang corn and cassava production coordinator sa Provincial Agriculture Office (PAO), gitudloan ang mga maguuma sa mga paagi kung unsaon paggamit sa mga makinaryas nga gitunol kanila.
18
| December 12-18, 2020
Ang mga ekipos ug makinaryas nga gipadangat sa DA-13 naglangkob sa 2 ka unit sa cassava granulator, 2 units sa cassava chipper, pulverizer, digger, corn sheller, tractor, vacuum pack sealer ug corn planter. Dako kini og ikatabang sa mga maguuma sa balanghoy ilabi na sa gilantaw nga pagproseso sa ilang abot, subay sa programa sa Agusan UP ubos sa Process! Process! Process! ilabi na nga moabot og 20 kilos ang anihon matag punoan sa balanghoy. Sigon ni Jemuel Madelo, Agriculturist sa PAO, kung sumahon mokabat sa 6,000 metric tons sa balanghoy ang maani sa 30 ka ektaryas sa maong demo farm, diin nakaatang na usab ang potensyal nga buyer
niini. Dumduman nga bulan sa Disyembre sa nakalabay’ng tuig, gisugdan ang pagpahiluna sa maong demo farm sa panagtambayayong sa DA-Caraga, PAO, Municipal Agriculture Office (MAO) sa Las Nieves, ang unang tikang sa pagpatuman sa programa sa Plant! Plant! Plant! sa Agusan UP!. Ubos sa maong programa, gipunting nga mahimong sustinido ang paglambo sa industriya sa balanghoy, diin gilantaw nga matamnan ang 3,000 ektaryas sa maong crop sa mosunod nga pito ka tuig ug makamugna gyod og processing ug paggama ug uban pang produkto gamit ang balanghoy. (LGU Agusan del Norte/ PIA Agusan del Norte) Caraga INFOCUS
