Leikarar
CV
Jóhanna Vigdís Arnardóttir útskrifaðist frá Leiklistarskóla Íslands vorið 1999. Auk leikaramenntunar hefur hún lokið burtfararprófi í söng
og píanóleik frá Tónlistarskóla Garðabæjar. Jóhanna Vigdís hefur leikið í fjölda sýninga frá því hún hóf störf hjá Borgarleikhúsinu árið 1998, m.a. Píkusögum, Kysstu mig Kata, Lé Konungi, Kryddlegnum hjörtum, Chicago, Fjölskyldunni, Enron, Ofviðrinu og Galdrakarlinum í Oz.
Guðjón Davíð Karlsson útskrifaðist frá leiklistardeild Listaháskóla Íslands vorið 2005. Hann var fastráðinn leikari við LA og síðar Borgarleikhúsið.
...
Hjá LA lék Guðjón m.a. í Litlu Hryllingsbúðinni, Maríubjöllunni, Herra Kolbert og Svörtum ketti. Í Borgarleikhúsinu hefur hann m.a. leikið í Fólkinu í blokkinni, Söngvaseið, Heima er best, Gauragangi, Fólkinu í kjallaranum, Kirsuberjagarðinum og Eldhafi.
Áslaug Lárusdóttir er í 7. bekk í Vesturbæjarskóla. Hún steig fyrst á svið Borgarleikhússins átta ára gömul í sýningunni Söngvaseið. Síðan þá hefur
hún leikið í Enron og Galdrakarlinum í Oz í Borgarleikhúsinu og Dýrunum í Hálsaskógi í Þjóðleikhúsinu. Áslaug hefur sungið mikið alla tíð og stundað dansnám og nám í þverflautuleik í 6 ár. Hún hefur sótt fjölmörg leiklistarnámskeið í Kramhúsinu og Leynileikhúsinu. Þegar tími til gefst spilar Áslaug körfubolta með KR. Henni finnst ekkert skemmtilegra en að leika, dansa og syngja.
Rán Ragnarsdóttir er í Langholtsskóla og stundar píanónám við Tónskóla Sigursveins. Hún hefur einnig sótt fjölmörg námskeið í leik og söng, m.a.
hjá Sönglist, Leynileikhúsinu, Kramhúsinu og hjá Stúlknakór Reykjavíkur. Hún er einnig í handbolta hjá Þrótti. Rán lék í Galdrakarlinum í Oz á Stóra sviði Borgarleikhússins.
Grettir Valsson hóf leikferil sinn í Oliver Twist á stóra sviði Þjóðleikhússins 2009 og 2010 lék hann í Allir synir mínir einnig á stóra sviði Þjóðleikhússins.
Hann lék bæjarstjóra Pinklaborgar ásamt ýmsu fleiru í Galdrakarlinum í Oz í Borgarleikhúsinu og leikur um þessar mundir Pétur íkornadreng í Þjóðleikhúsinu. Grettir hefur talað inn á fjölda teiknimynda, m.a. Elías, Smáeðlurnar og Urra. Hann hefur sótt fjölda leiklistarnámskeiða í Sönglist, Leynileikhúsinu og Kramhúsinu.
Patrekur Thor Herbertsson er í 4.bekk í Vesturbæjarskóla. Hann hefur haft áhuga á leiklist og söng síðan hann var lítill og hefur síðustu ár tekið þátt í skemmtilegu og skapandi starfi Leynileikhússins. Mary Poppins er fyrsta verkefni Patreks í atvinnuleikhúsi. Patreki finnst ekkert skemmtilegra en heimur leikhússins og stefnir að því að verða leikari.
Halldór Gylfason útskrifaðist frá Leiklistarskóla Íslands árið 1997 og hefur verið fastráðinn leikari við Borgarleikhúsið frá árinu 1998. Telja hlutverk hans í húsinu nú á fjórða tug. Meðal nýlegra sýninga Halldórs í Borgarleikhúsinu má nefna Góða Íslendinga, Ofviðrið, Dúfurnar, Strýhærða Pétur og Mýs og menn. Halldór lék norðurljós og dögg í norskum skógi í Búasögu og hefur komið víða við í sjónvarpi og leikið í áramótaskaupum. Hann er líka tónlistarmaður og meðlimur í hljómsveitinni Geirfuglunum.
Esther Talia Casey útskrifaðist frá leiklistardeild Listaháskóla Íslands árið 2003. Hún lék hjá LA á árunum 2005 til 2006, m.a. í Óliver og Litlu Hryllings-
búðinni og var ráðin við Þjóðleikhúsið frá 2007 til 2010. Þar lék hún m.a. í Kardimommubænum, Ástin er diskó og Fridu, viva la vida. Esther hefur sungið inn á ýmsar plötur, m.a. með hljómsveitinni Bang Gang. Auk þess hefur hún leikið í sjónvarpi og talsett fjöldan allan af teiknmyndum. Esther var tilnefnd til Grímunnar fyrir aukahlutverk sitt í Sumarljósi í Þjóðleikhúsinu.
Sigrún Edda Björnsdóttir útskrifaðist frá Leiklistarskóla Íslands árið 1981. Hún hefur verið fastráðin leikkona bæði hjá Þjóðleikhúsinu og Borgarleikhúsinu og leikið fjölmörg burðarhlutverk, Meðal nýlegra sýninga í Borgarleikhúsinu má nefna Fjölskylduna, Milljarðamærin snýr aftur, Fólkið í kjallaranum, Kirsuberjagarðinn og Gullregn. Hún hefur einnig leikið í sjónvarpi, kvikmyndum og útvarpi. Sigrún Edda hefur hlotið fjölmargar viðurkenningar og tilnefningar fyrir störf sín, m.a. úr minningarsjóði frú Stefaníu Guðmundsdóttur, Menningarverðlaun DV og Grímuna.
Sigurður Þór Óskarsson útskrifaðist frá leiklistardeild Listaháskóla Íslands með BFA gráðu árið 2012. Að lokinni útskrift réði hann sig til Borgar-
leikhússins og er nú fastráðinn leikari þar. Sigurður lék í Grease í Loftkastalanum, barnaleikritinu Jólaævintýri, í Gosa, Galdrakarlinum í Oz, Bastörðum og Músum og mönnum í Borgarleikhúsinu. Sigurður hefur talsett fjölda teiknimynda fyrir sjónvarp og kvikmyndahús.
Álfrún Helga Örnólfsdóttir
útskrifaðist frá Webber Douglas leiklistarskólanum í London vorið 2003. Hún hefur m.a. leikið í Maríubjöllunni og Fullkomnu Brúðkaupi hja LA, Lé konungi og Bakkynjum í Þjóðleikhúsinu sem og ýmis verkefni hjá sjálfstæðum leikhópum. Í Borgarleikhúsinu hefur hún leikið í Gretti, Segðu mér allt, Gulleyjunni og Músum og mönnum. Álfrún er einn af meðlimum og stofnendum leikhópsins Ég og vinir mínir sem vakti mikla athygli með sýningunum Húmanimal og Verði þér að góðu. Álfrún er nú fastráðin við Borgarleikhúsið.
Hanna María Karlsdóttir lauk námi frá Leiklistarskóla Íslands árið 1978 og hefur verið fastráðin hjá Leikfélagi Reykjavíkur frá árinu 1979. Hún
hefur leikið yfir 70 hlutverk á ferlinum. Meðal sýninga má nefna Djöflaeyjuna, Þrúgur reiðinnar, Mávahlátur, Faust, Fjölskylduna og Gyllta drekann. Einnig leikstýrði Hanna einleiknum Sigrúnu Ástrósu. Hanna María hlaut Grímuna árið 2005 fyrir hlutverk sitt í Héra Hérasyni. Hún hefur einnig leikið í fjölmörgum kvikmyndum og hlaut Edduverðlaun fyrir hlutverk sitt í 101 Reykjavík.
Theodór Júlíusson er með Diploma í leiklist frá The Drama Studio London og hefur verið fastráðinn leikari við Borgarleikhúsið frá árinu 1989. Meðal
sýninga í Borgarleikhúsinu má nefna Púntilla og Matta, Söngvaseið, Fjölskylduna og Kirsuberjagarðinn. Theodór hefur þrisvar verið tilnefndur til Grímuverðlauna. Hann hefur leikið í ótal útvarpsleikritum, sjónvarps- og kvikmyndum t.a.m Englum alheimsins, Hafinu, Mýrinni, Reykjavík-Rotterdam og Eldfjalli, en fyrir hlutverk sitt þar hlaut hann Edduverðlaunin, verðlaun á kvikmyndahátíðum Eurasia í Kazakstan og í Sao Paulo.
Hallgrímur Ólafsson útskrifaðist frá leiklistardeild Listaháskóla Íslands vorið 2007 og hefur verið fastráðinn leikari við LA og Borgarleikhúsið.
Hjá LA lék hann m.a. í Óvitum, Ökutímum og Fló á skinni. Meðal nýlegra sýninga í Borgarleikhúsinu má nefna Fólkið í blokkinni, Söngvaseið, Milljarðamærin snýr aftur, Fjölskylduna, Gauragang, Elsku barn, Kirsuberjagarðinn og Hótel Volkswagen en fyrir hlutverk sitt þar hlaut hann tilefningu til Grímunnar.
Margrét Eir hefur starfað sem atvinnusöngkona og leikkona á Íslandi í yfir 20 ár. Hún hefur starfað með helstu tónlistarmönnum landsins, komið fram með
Sinfóníuhljómsveit Íslands og verið hluti af Frostrósum frá upphafi. Hún hefur gefið út 4 pötur, síðast árið 2012 með hljómsveitinni Thin Jim. Af verkefnum í leikhúsi má nefna Hárið 1994, Rent, Oliver hjá LA og Vesalingana sem Madame Thernardier. Margrét hefur leikstýrt í menntaskólum og áhugaleikhúsum og vinnur við að talsetja teiknimyndir. Margrét Eir stofnaði söngskóla árið 2009 undir nafninu Meiriskóli.
Sigríður Eyrún Friðriksdóttir (Sigga Eyrún) útskrifaðist frá söngleikjadeild Guildford School of Acting. Hún lærði söng í Söngskólanum í
Reykjavík, FÍH, CVI. Meðal sýninga sem Sigga hefur tekið þátt í eru Sarínó Sirkúsinn, Grettir og Superstar í Borgarleikhúsinu, Hrekkjusvínin í Gamla bíó, Uppnám í Leikhúskjallaranum og Vesalingarnir í Þjóðleikhúsinu. Börnin þekkja hana úr Stundinni okkar þar sem hún lék Rósalind prinsessu og Ástrósu skógarstelpu. Sigga hefur talsett ógrynni af teiknimyndum.
Þórir Sæmundsson útskrifaðist úr Statens teaterhögskole í Osló 2002. Hjá Teatret Vaart lék hann í Orðinu, Draumi á Jónsmessunótt og Englinum í Telemakos. Í Det Norske Teater lék hann í Glæpi og refsingu, Angerhöy og Túskildingsópurinn í Riksteatret. Þórir lék í Skilaboðaskjóðunni, Hart í bak og einleiknum Eterinn hjá Þjóðleikhúsinu. Í Borgarleikhúsinu hefur Þórir leikið í Strýhærða Pétri, Galdrakarlinum í OZ , Eldhafi og Músum og mönnum. Þórir leikur Davíð í sjónvarpsþáttunum Ástríði á Stöð 2.
Jóhann Sigurðarson lauk prófi frá Leiklistarskóla Íslands árið 1981 og hefur verið fastráðinn leikari hjá bæði Þjóðleikhúsinu og Borgarleikhúsinu.
Meðal eftirminnilegra sýninga eru Mávurinn, Don Juan, Ivanov og Allir synir mínir hjá Þjóðleikhúsinu og Milljarðamærin snýr aftur, Gauragangur, Fólkið í kjallaranum og Rautt í Borgarleikhúsinu. Jóhann lék einnig og söng í Valdi örlaganna og Rakaranum í Sevilla hjá Íslensku óperunni. Meðal kvikmynda eru Eins og skepnan deyr, Húsið og Tár úr steini. Jóhann hefur verið tilnefndur til fjölda Grímuverðlauna.
Orri Huginn Ágústsson útskrifaðist frá leiklistardeild Listaháskóla Íslands vorið 2005. Meðal nýlegra verkefna Orra eru Vesalingarnir
og Dýrin í Hálsaskógi í Þjóðleikhúsinu, Ævintýrið um Augastein með leikhópnum Á senunni í Tjarnarbíói, Jesus Christ Superstar í Borgarleikhúsinu, Abbababb í Hafnarfjarðarleikhúsinu og Kabarett með leikhópnum Á senunni í Íslensku óperunni. Orri hefur leikið í sjónvarpi og stuttmyndum, talsett teiknimyndir, sungið inn á plötur og á tónleikum.
16A
Borgarleikhúsið 2012–2013 Borgarleikhúsið 2012–2013
40 40