Diasabra November 5, 2011
Pagina 24
Despues di un excelente presentacion na Brasil
ARUBA BANK TA DESEA GILLAIN BERRY TUR CLASE DI EXITO NA CERTAMEN DI MISS
STA. CRUZ -Recientemente nos flamante Miss Aruba a participa na e certamen di Miss Universo, unda el’a capta masha atencion mes. Awor Gillain Berry ta cla pa haci un tremendo presentacion atrobe den e certamen di Miss Mundo cu lo tuma lugar na London.
Aruba Bank ta desea nos Miss Aruba Gillain Berry tur clase di exito cu su proyecto di ‘Beauty with a Purpose’ cu el’a scoge Aruba Special Olympics y tambe pa e certamen di Miss Mundo, ya cu nan ta sigur cu Gillain lo haci un tremendo trabao atrobe como embahadora di
beyeza di Aruba. E certamen lo tuma lugar diadomingo awor, dia 6 di November 2011 y Gillain por ta sigur cu Aruba Bank completo lo ta bay ta masha pendiente mes di e certamen y di e forma aki demostra nan sosten apoyo completo na nos flamante Miss Aruba 2011.
Ban recorda con beyezanan Arubano ta pone Aruba den spotlight mundial ! Mi a bisti di Reina cu edicion especial Miss Mundo 2011
TA. CRUZ -- “Mi a bisti di Reina” ta un programa di historia di reinanan cu a cuminsa for di aña 2007 unda tur aña ta recorda reinanan cu a destaca den un forma of otro durante aña di nan participacion. Pasando nan imagen
y comentando di e eleccionnan unda nan a participa , pa asina conta nan historia y nan experencia. E programa aki a bira asina popular cu cada aña e demanda tabata mas grandi, e aña aki e programa “Mi a bisti
di Reina” ta cumpli 5 aña di existencia unda a bay den mas seccionnan tur diabierna den e programa Nos Mainta cu tips entrevista cu exreinanan. Awor “Mi a bisti di Reina” ta dal un stap mas grandi unda diasabra awor lo bay presenta pa prome biaha un antesala pa e certamen di Miss Mundo, unda nos representante Gillain Berry ta participando pa e corona di Miss Mundo. E edicion especial aki ta encera entrevista, imagennan di nos Miss Aruba Mundo. Haya sa mas detaye di e certamen di Miss Mundo y cual paisnan ta participa e aña aki, esaki ta e di 61
edicion di e certamen di Miss World cu ta bao di guia actualmente di sra. Julia Morley! Nos lo recorda e exito di mayoria di e candidatanan cu a representa nos isla den e certamen aki. E antesala Mi a bisti di Reina lo pasa dia 5 di November pa 8’or anochi na Tele Aruba y ta wordo presenta pa Valery Labadie, un dia prome cu e certamen na Londen. Pa esnan den exterior e programa aki por wordo mira den Caribe y pa medio di www.telearuba. aw Productor Isai Labadie, a informa cu e tabata hopi trabao pa hinca e programa aki den otro pero ta contento con e resultado a keda y ta
spera cu Aruba por goza di e programa special aki