Pagina 22
Diasabra 21 December 2013
Grupo Scout Santanero y Grupo Scout St. Paulus-Michael ta haci nan donacion na comunidad den cuadro di e actividad ayudo na comunidad organisa pa Districto 1&3 di Scouting Aruba Den cuadro di e actividad ayudo na comunidad organisa pa districto 1&3 di Scouting Aruba, Gruponan Scout Santanero y St. Paulus-Michael a haci nan recolectamento di articulonan pa asina brinda esakinan na personanan menos afortuna den nan respectivo comunidad (bario). Ambos grupo scout a haci e recolectamento aki internamente den nan respectivo grupo. Na final e articulonan colecta a ser entrega na comisario di districto 1&3 kende a percura pa esakinan wordo entrega na e comision di asistencia social di Misa Birgen di Fatima na Dakota y di Misa Sta. Teresita na San Nicolas. Districto 1&3 di Scouting Aruba kier a felicita ambos grupo scout pa cu nan aporte na comunidad. Siguramente un acto noble caminda por educa nos
mucha y hobennan riba e principio di brinda servicio y ayudo na personanan menos afortuna den nan respectivo comunidad y barionan, specialmente den e temporada aki di pasco di nacemento (december). Grupo Scout Santanero ta e grupo scout miembro di Scouting Aruba cu ta situa den e bario di Dakota. Nan ta reuni semanalmente na nan edificio cual ta situa net banda di oficina principal di Rode Kruis na dakota. Grupo Scout St. Paulus-Michael ta e grupo scout miembro di Scouting Aruba cu ta situa den e bario di San Nicolas. Nan ta reuni semanalmente na Teresita Center cual ta situa net banda di Misa Sta. Teresita. Ambos grupo ta habri pa tuma miembro hubenil nobo entre e edadnan di 5 pa 17 a単a. Pa mas informacion encuanto miembrecia den grupo scout Santanero
(Bario di Dakota) por tuma contacto cu nan lider di grupo na: 5923644 y pa mas informacion encuanto miembrecia den grupo scout St. Paulus-Michael por tuma contacto cu nan lider di grupo na: 7382782. Scouting ta e organisacion
mundial cual ta funda na a単a 1907. Scouting ta basa su mes riba e educacion y desaroyo di hobennan pa nan por bira personanan util y responsabel den nan respectivo comunidad. Tambe riba desaroyo di lidernan pa futuro. Scouting Aruba ta e
organisacion nacional di Scouting na Aruba cu tin 14 grupo scout situa full rond di Aruba. Si lectornan ta desea algun informacion encuanto scout por tuma contacto cu comisario di districto 1&3 na: 5945129.