Diarazon Mei 11, 2011
Pagina 7
10 ATRACO Segun Minster Dowers
ATRACONAN
Santo blanco di Aruba exporta ilegalmente ?
Segun Cuerpo Policial
Ata prueba: 21 atraco den April:
MINISTER DOWERS BANDA DI TA DRUMI AWOR KIER TAPA E BERDAD! Arthur 21 mester stop di manipula! STA. CRUZ -- Dialuna anochi den e programa Papia Cla na TeleAruba e presentador Tito Lacle a haci e minister di husticia pregunta riba e 21 atraconan, minister Dowers a nenga rotundamente y a menciona ta por lo menos 10 atraco lo a tuma lugar. Awe nos ta publica pa pueblo mes huzga e lista di atraconan cu a tuma lugar. Esaki ta e lista di Luna di April cu a wordo sacudi cu diferente atraco, 2 pa 3 atraco pa dia y te hasta arma di candela a wordo poni na hende su cabez pa e malhechornan bay cu e auto. Ainda falta algun atraco cu a bin den noticianan di polis.
LISTA DI ATRACONAN DI APRIL: 1 April: Grupo di Hoben a bati un hoben ranca su celular bay cune na Colegio parti patras… 3- April: Atraco arma na Pizza Hut Piedra Plat cu nan a hinca e trahador den freezer y bay cu mas di 12 mil florin… 8- April: Atraco na Well Done Supermarket Papilon cu machete… 8 April: Atraco na Domino Pizza na Roccoco Plaza na TL 9- April: Yiu di Curaçao a bin di vakantie Aruba y na Winter Garden na San Nicolas nan a atrak’e 9- April: Atraco arma mainta tempran na La Perla Cas Paloma 11- April: Na e snack truck na Ponton homber atraca caminda nan a bay cu su tas cu su venta. 14- April: Banda di busstacion na Playa algun persona cu machete a atraca un homber 14- April: Atraco na Wan Tu Savaneta 2 pa 3 persona na preto bisti… 15- April: Atraco arma na doñonan di Lucky Spot na Hooiberg a ataca e doño pafor di cas… 15- April: A atraca un homber te bringa cune y coy su joyas na Seroe Patras 16- April: Homber a duna dos choller un lift pa Bushiri y nan a atrake den su auto 21- April : Atraco arma na Gfp y a bay cu ongeveer 200 florin... 25- April : Antisocial a drenta Jr Take Away na Pos Chikito y bay cu e caha di placa 28- April: Atraco na Candeis Minimarket na Playa pabao 30- April : Atraco na Lago Heights 30- April : Atraco na Texaco Wayaca 30- April: Atraco cu arma di candela riba cabez di hende na Cas Paloma pa bay cu su auto. 30- April: Antisocialnan a atraca homber kedando na Bucuti Hotel Falta algun cu ta den e noticianan di polis. Aki pueblo mes por lesa y comproba cu minister Dowers su number den pueblo ta keda “Arthur 21”! Mihor cos cu e hasi ta entrega su retiro, eta e fracasado, e peor minister cu no solamente Aruba pero henter reino a conoce. Den menos cu dos aña su maneho a caba cu e trankilidad y paz cu tabata reina den nos pais, ela hasi Aruba bira mas insigur cu nunca.
STA. CRUZ -- Reaccion cu a drenta na SOLO ta bisa cu algun tempo pasa, posiblemente algun aña pasa, santo blanco di nos isla a wordo cumpra y exporta. Nos a bin comprende cu esaki no ta algo normal y cu te hasta ta ilegal. Santo Blanco ta wordo protegi como nos patrimonio nacional. Un ciudadano por cumpra e
santo blanco aki y hibe su cas, pero e no por pone ariba barco y export’e pa otro destinacion. Asina nos a bin comprende cu nos santo blanco a wordo hiba y a wordo basha ariba e barancanan aya na Corsou na un proyecto di hotel. E pregunta ta: Esaki tabata legal ? Y con pa evita esaki den futuro y segura cu e no pasa mas?
Ex-empleadonan di Setar ta den Corte awe STA. CRUZ -- Desde aña 2003 cu Setar lo a bira NV, lo tin algun empleado cu a vloei af, pero cu no a keda cla cu nan placa. Desde aña 2003 e ex -empleadonan aki ta den corte y den man di abogado. E caso a keda bay y bin den man di abogado y nos a comprende cu awe e caso
lo wordo trata den Corte atrobe. Un ex-empleada a bisa cu e ta spera di por keda cla pa cobra algun cent, pasobra cos ta preta y economia ta malo y placa no ta lora. Segun nos por comprende, ta trata aki di e empleadonan cu a scoge pa no keda traha den e compania.
Mas Medida AVP AWA
aumento 11%
CORIENTE aumento 13.3%