Diarazon 11 Mei 2011
Pagina 24
Arnold Schwarzenegger y Maria Shriver ta separa
Los Angeles -- Arnold Schwarzenegger y Maria Shriver a anuncia dialuna cu nan a separa amicablemente, pero no tabata tin mencion di divorcio, den nan declaracion. Confirmacion di nan separacion ta bin dos siman despues di e di 25 aniversario di nan matrimonio y cuatro luna despues cu Schwarzenegger a retira como gobernador di estado.“Esaki tabata un tempo di transicion grandi profesional y personal. Asina nan declaracion ta bisa. “Despues di un un reflexion grandi, discusion y oracion, nos a yega na e decision aki conhuntamente”. E declaracion no a revela, dia cu e separacion a cuminsa, pero shriver di 55 aña, no tabata tin su renchi di matrimonio, cu a ser poni riba YouTube, dos siman pasa. “Na e momento aki nos ta biba separa, mientras cu nos ta trahando riba e futuro di nos relacion”, nan a bisa. E matrimonio di Schwarzenegger, un bodybuilder cu a bira actor y Shriver, e sobrina di Presidente John F. Kennedy, a ser considera un union no realístico, specialmente
c o n s i d e r a n d o Schriver su raisnan profundo democratico y Schwarzenegger su preferencia Republicano. Nan a bira e pareha mas famoso di Merca. E tabata un di e actornan mehor paga di Hollywood y Maria tabata un presentador di noticia di TV. Tur dos a bandona nan carera, ora cu Arnold a ser eligi como gobernador di California na 2003, te cu Januari di e aña aki. Schwarzenegger di 63 aña tabata rebibando su carera di actuacion den e reciente lunanan, firmando acuerdonan di pelicula, incluyendo e serie di “Terminator”. E pareha su yiunan tin 14-18-20 y 21 aña. “Hunto nos lo continua ser mayornan pa nos yiunan. Nan ta luz y centro di nos tur dos bida”. E declaracion no a bisa, kende lo sali for di e mansion na Brentwood, California, na unda e famia ta residencia. “Nos ta considera esaki un asunto priva y ningun di nos dos of nos amigonan of famia lo tin mas comentario”, asina e declaracion a bisa. “Nos a pidi compasion y respet for di media y publico.
A honra bishitante distingui Kristen Freeman, John y Barbara Krupinski Recientemente a wordu honra como bishitante distingui pa e Isla di Aruba Kristen Freeman cu ta bishitando nos Isla pa 10 anja caba y tambe a wordu honra como embajador di bon boluntad John y Barbara Krupinski cu ta bishitando nos Isla pa 20 anja caba. Marouska Heyliger di Aruba Tourism Authority a hasi entrega di e certificado aki y alabez felicita nan pa nan lealtad demostra
pa e Isla después di bishita nos Isla pa asina hopi aña largo. Ariba e potret por aprecia
tur e honradonan y tambe Mislady Fingal di Caribbean Palm Village.
Celebracion di Dia di Mama na FAVI STA. CRUZ -- FAVI a celebra dia mama den un ambiente hopi ameno. E evento aki a tuma lugar na centro di FAVI y a wordo organiza pa Cedric Trimon , un studiante di E.P.I. Sector Salubridad y Servicio. E clientenan a goza di un tremendo mainta yena di ambiente cu Grupo Escala, kendenan a deleita e clientenan cu nan dushi musica . Danki na Aruba Aloë Balm cu e coopera cu nan productonan pa asina duna tur e mamanan un regalito. Mama di aña di FAVI a keda den nomber di sra. Lourdes Maduro, kende a ricibi un reconocimiento special. FAVI ta gradici tur persona cu di un of otro manera a yuda pa asina e actividad wordo realiza exitosamente.