Diarazon September 4 2013
Pagina 7
Damita di 15 aña cu tabata perdi a ser haya na un cas na Primavera den patruya cu a dirigi su mes pa warda di polis na Playa. Nos por waak cu e casonan aki ta birando mas y mas frecuente. E parti cu ta hala nos atencion ta: ki mishi un mucha di 15 aña 3’or di madruga ariba caya??
STA. CRUZ -- Diamars atardi Polis a haya un tip cu e damita di 15 aña Charlotte Caryanne Maria Tromp a ser haya. E damita aki a ser mira 1 di September ultimo, pa mas o menos 3’or di madruga na Olde Molen. E damita aki a ser señala of a keda na un adres na Primavera.
E damita diamars atardi net el’a sali patras di e cas na Primavera , den compania di dos hende homber Polis a yega. E damita a gewoon bira cana bay y no kier a papia cu e agentenan policial. E dos hombernan a sigui cana y bandona e sitio. Despues di un rato di papia el’a subi
Hoben agresivo ta agredi homber grandi STA. CRUZ -- Polisnan durante patruya dialuna 12:38 a mira un candela di mondi basta grandi na haltura di Palisiaweg. Despues cu bomberonan a yega na e sitio. Polisnan a sigui cu nan patruya. Un rato despues Polisnan mester a bolbe bay na e sitio, como cu tabata tin un pelea entre dos persona. Polis a papia cu e homber R.L. naci na Aruba di 21 aña, kende a bisa cu el’a haya un discusion cu su bisiña E.N. naci na Aruba di 65 aña. Tambe R.L. a bisa cu nan bringa cu otro. Polis a pidi presencia di ambulance pa bin na e sitio y a trata tur dos. Ambulande a transporta tur dos pa poli pa tratamento. Como cu R.L. ainda tabata agresivo, Polisnan a bay preventivamente cu e ambulance Poli, pa evita cu nan lo bolbe bringa. Central a wordo poni na haltura.
Instalacion di drempel “Verkeersplateau” na Semeleerstraat STA. CRUZ -- Departamento di Obra Publico ta informa pueblo di Aruba en general y specialmente nos automobilistanan, cu entrante otro siman dialuna 9 di September 2013, lo cuminsa cu instalacion di “Verkeersplateau” den Semeleerstraat na Noord. E caminda lo ta cera for di 8’or di anochi te cu 5’or di mainta. Rutanan alternativo lo ta indica cu baricada y borchi di aviso. E trabaonan lo tin un duracion di cinco dia. Ta pidi tur automobilista, negoshinan y otro usuarionan pa tene cuenta cu e inconveniencianan cu lo por surgi pa cual DOW ta pidi su disculpa.