Diarazon, Februari 29, 2012
Pagina 8
Minister Dr. Richard Visser a bishita Filomena College y Rosa College
MALETIN DI TESORO YENA DI INFORMACION DI NOS PASADO
STA. CRUZ -- “E maletin aki tapa conta Boso di nos pasado, pero na mes momento pa prepara Boso pa e siguiente 25 añanan nos dilanti”, asina Minister Dr. Richard Visser di Salubridad Publico y Deporte a bisa na e alumnonan di tanto Filomena College y di Rosa College. E mandatario a entrega e maletin di tesoro na alumnonan di ambos school durante un ceremonia oficial. E maletin di tesoro tin varios material cu ta conta nos historia, por medio di literatura, diccionario, material di les y hasta
weganan traha door di studiantenan di IPA. Di e forma aki e alumnonan ta cera conoci cu nos historia, por medio di un wega. Cada scol ta ricibi un tas y lo pasa cu e tas di klas pa klas pa asina educa tur e alumnonan
riba e historia di nos pais. Minister Dr. Richard Visser a wordo masha bon ricibi na ambos school, door di alumnonan masha entusiasma pa cu e celebracion cu ta tumando lugar rond di 25 aña di nos Status Aparte.