Diarazon 18 Mei 2011
Pagina 22
Garnier Green Team a briya ariba e beach di Grapefield STA. CRUZ -- Grapefield, no tin nada mas bunita pa a mira mas di 230 voluntario riba un diadomingo mainta tempran ta yuda pa haci e area di Grapefield limpi. Esaki a sosode diadomingo ultimo Mei 15. Mester remarca cu
hopi a keda sorpresa di e cantidad di sushedad cu tin den e area aki. Tanto asina cu dos baki di Ecotec a wordo yena plus como 5 pickup a bay dump. E area di Grapefield a wordo parti den dos. Boca Grandi a ser atendi door di un grupo
grandi di studiantenan di International School of Aruba. E grupo aki a ricibi for di man di sra. Lizayra Tromp-Polak, Sales & Marketing Manager di Medicosmetics Aruba un trofeo pa ta e grupo mas grandi presente. Juffrouw Susan Lepry a ricibi un dinner for two di Madame Janette pa e esfuerzo pa forma su grupo. E di dos parti cu ta e area di Grapefield mes a wordo atendi pa e resto di voluntarionan cu a wordo forma door di empleadonan di diferente compania, manera trahadornan di Medicosmetics Aruba N.V, Focus Aruba, 24ora.com y ITV canal 49, Turtugaruba,GLW Foundation, Banco di Caribe, AHATA Environmental Group, DHL, Autumn Aruba y e grupo di Farmville. E iniciativa a sali for di Medicosmetics Aruba N.V, cu nan linea di Garnier. Di eynan a lanta Garnier Green Team cu poco poco a crece y a surpasa 230 persona. E evento aki a wordo lanza April 7, 2011 unda Garnier a uni cu Focus y 24ora. com. Garnier a colecta for di April 1, te cu Mei 15, 2011 fls. 0.25 di cada botter di Garnier Fructis. E suma colecta lo wordo duna na Turtugaruba pa asina por sigui yudanan cuida nos beachnan y nos Turtuganan. Un danki special na Balashi, Panaderia Moderna, Ecotec, Cruz Cora y Madame Janeth pa coopera cu e evento y tambe na e team di DHL cu a keda te na ultimo ta colecta tur e saconan di sushi. Garnier Green Team ta gradici tur hende cu di un of otro manera a yuda sostene e proyecto y ta pidi pa mas persona of compania sigui cu e esfuerzo aki ya cu tin basta sushi tira ariba e beach.