Diarazon Juli 13, 2011
Pagina 19
Diasabra awor
Regional Championship Tang Soo Do na Sta Cruz Johnson. Na nan yegada a wordo ricibi dor di BSBN Melissa Noguera y Black Belts nan di Gihae Tang Soo Do Aruba.
STA. CRUZ -- Diasabra 16 di Juli ta bay tin e grandioso Torneo Regional di Tang Soo Do bou auspicio di World Tang Soo Do Association Region 18, cu lo tuma lugar na Centro DeportivoLibertador G.F. “Betico” Croes na Sta. Cruz di 9’or pa 4’or. Ta bay tin presencia di nos Grandmaster J.C. Shin y
12 Masters mas di Merca y Puerto Rico. Lo conta cu participacion di Puerto Rico, Merca, Costa Rica y Aruba. E mainta lo cuminsa cu e Tiny Tigers& Little Dragon y pa 10’or lo tin e cerenomia di aperture oficial, na unda tambe pa prome biaha akinan na Aruba, tur e mastersnan presente lo duna un demonstracion
di nan abilidadnan. Pa 11’or lo cuminsa cu e competencia di faha preto y despues lo sigui tur e otro fahanan di blanco te cu blauw. Ya caba for di diasabra pasa e prome delagacion a yega for di Merca, cual nan ta Master Bill Strong cu ta 3rd in command despues di Grandmaster J.C. Shin y Master Bill
Dialuna caba na Emmaschool na Ayo e dos masternan aki a duna les na e Tiny Tigers, Little Dragon, Gup y esnan cu faha preto. E grandinan a haya un training di defensa propiocual tabata uno sumamente exitoso. Diamars a yega otro master di Merca cu ta master Valentin cu su señora cu tambe ta master y master Costa. Awe diarazon ta yega master Wilfredo Burgos di Puerto Rico cu ta
“State Director” pa e Region di Caribe. Tambe lo yega dos candidato pa master for di Puerto Rico. Diahuebs anochi 10’or lo yega e Grandmaster J.C. Shin for di Merca . Diaberna lo yega master Couture di Merca y Master Zarragoza, master Rivera di Puert Rico. Ta invita henter pueblo di Aruba pa bin apoya nos alumnonan y asina encurasha nan pa engrandece e deporte di Tang Soo Do (World Tang Soo Do) na Aruba. Tang Soo!!!!!