Pagina 18
Diamars 8 Juli 2014
Noticia di polis.....Awe24.com Polis di Noord investigando un caso serio di maltrato severo
Dialuna mainta a drenta informe di cu na Palm Beach un dama a lanta y a nota cu su casa cu a sali bay e anochi prome y awor mainta a bin hay’e tur golpia y maltrata, masora a dirigi un patruya na e sitio. Na yegada di e patruya nan a compronde cu e anochi prome e victima lo a puntra su casa pa placa pero e dama no a dune y e homber lo a kibra un bentana y despues a bay. Mainta e bisiña den apartamento a nota cu e homber tabata tur golpia y tabata sangrando, e bisiña hunto cu e casa a yude hibe den camber y pone riba e cama. Polis a nota cu e victima ta seriamente maltrata na su cabez, frenta, wowo, nanishi kibra y hasta ta sangra pa boca, nan a pidi pa ambulans presenta na e sitio ya cu esaki ta un caso di maltrato severo. Nos lo sigui informa.....
Atrobe e mesun ciudadano ta bolbe haya atake di epilepsia riba caya, no tin un instancia pa yude?
Ya pa basta tempo caba y mas regularmente yamadanan ta drenta pa un ciudadano cu sa haya su atakenan di epilepsia riba caminda publico y ta trece peliger den trafico. Na diferente ocasion ta yama pidi ambulans y polis pa yude pero e historia ta sigui ripiti. Ta un lastima cu un ciudadano cu ta sufri di un malesa asina no por tin un centro unda e por haya un mihor atencion pa cu su salud?
Stove a explota na un cas na Arendsstraat y e presion a spart tur cos den cushina y a laga dama herida
Dialuna mainta a drenta informe di cu un stove a expllota na un cas den Arendsstraat Caya Eleuterio “Boes” Orman, mesora a dirigi tanto polis como ambulans na e sitio. Na yegada di e patruya a bin compronde cu e dama a bay traha na e stove y esaki a explota masha fuerte mes y e presion a benta e dama na un bon distancia y tur porta di kashi cushina a dal habri y yen di cos a spart bay leu. E dama mes a resulta herida, na yegada di e ambulans nan a atende e dama y a transporte pa hospital.
Accidente frontal na Calabas ora cu un van a tuma un birada mucho chikito na man robez
Diabierna anochi a drenta informe di un accidente basta fuerte na Calabas, mesora a dirigi un patruya na e sitio. Na yegada di e patruya a bin compronde cu e chofer di e van a tuma e bira mucho aden y a bay dal riba un auto di direccion contrario. Aunke e impacto tabata fuerte afortunadamente ningun hende a resulta herida.