Diamars Juli 5, 2011
Pagina 13
Prome Aniversario Adapted Happy Wheels Aruba STA. CRUZ -- Adapted Happy Wheels ta invita pueblo di Aruba pa bin celebra cu nos dia 9 di Juli, un opendag cu lo tuma lugar riba e beach net dilanti strandpolitie (entre Westin Hotel y Divi Phoenix). Di e manera aki, kier duna danki na e personal di tur hotel y den especial na e pueblo di Aruba cu a pone su confianza den nos productonan. Bin purba pa bo mes y haci uso di nos rolstoel di lama, Roll-a- rampa y Mobi-mat totalmente GRATIS!
REMETIDO 3 di juli 2011
In memoriam Juffrouw Foyen (Florencia Fingal) Juf. Foyen a bai laga nos pa un mihor bida den brazanan di nos Creador. Su persona a duna mi e prome lesnan di Bijbel tempo cu mi tabata tin 8 a単a. Semper mi a keda jame juffrouw, un honor cu solamente esnan cu ta eherce e profesion di maestro of maestra di skol tin ora nan haci un diferencia den bo bida. Tempo cu e famoso escritor Franz Kafka a ricibi e premio Nobel di Literatura e a scirbi un carta na su meneer di skol primario. E ta bise cu e tabata bin di un famia pober y cu e apoyo di e meneer di skol aki a haci un diferencia grandi den su bida. Su lesnan tabata si単anzanan grandi pe. E ta sigui scirbi cu awor cu e a ricibi e premio di mas grandi pa un escritor e tin cu bisa su meneer di skol cu tur loke e a logra den
bida, cu e honornan mas grandi den mundo cu e a ricibi, cu tur su exito, cu tur loke e ta den bida, ta danki na su meneer di skol. Di mesun forma mi por bisa cu tur loke mi a bira den bida como teologo ta danki na e lesnan di Bijbel di juf. Foyen. Mi ta bise awor publicamente, despues cu mi a bise den priva na varios ocasion ora juf. Foyen tabata na bida. Pesey semper mi tabata bisa mi studiantenan na IPA cu e profesion di maestro of maestra di skol ta un di e profesionnan mas noble y mas bunita cu tin, pasobra bo por haci diferencia den bida di un persona. Danki juf. Foyen pa tabata un maestra asina. Cu juf. Foyen sosega na paz. Rudy Lampe