Diamars Januari 21 2014
Pagina 15
Dilanti Mido Restaurant na Piedra Plat:
Dos homber den un Toyota Yaris a baha y maltrata otro dos homber severamente
Diadomingo anochi polis a bay pa un caso di pleitamento na Mido Restaurant na Piedra Plat. E patruya abya dos biaha na e sitio aki. Den algun minuut cu nan a bay di e sitio, nan mester a bolbe. E biaha aki cos a bira serio. Polis a laga e dos hombernan aki bon bon! Un di e hombernan tabata acompaùa pa un dama. E dama tabata grita y haci fastioso. Ora cu patruya a yega bek pa di dos biaha, dos homber tabata bao di sanger. Testigo na e sitio a conta cu el’a wak dos homber yega den un Toyota Yaris, preto y baha for di e auto. E hombernan di e auto tabata tin manera klop di polis den nan man. Nan a golpia e dos hombernan aki na cara y cabez y a maltrata nan cu scop den cabez. Un persona a grita nan pa stop pero ora cu nan a cla, nan a core subi auto y bay for di e sitio.. Un di e fotonan ta ilustra e momento cu nan a core subi e auto pa move, lagando e dos hombernan baùa na sanger. Mesora cu polis a yega, nan a solicita ambulance cu urgencia, mirando situacion di e hombernan. Dos ambulance a presenta na e sitio. E homber den short ta esun di mas grave. Mirando cu polisnan a haya suficiente informacion na e sitio, nan a logra detene un
di e agresornan na Seroe Pita. El’a wordo transporta pa warda di Sta. Cruz. No ta conoci si e caso di e ex - pareha un rato prome
tin di haber cu e maltrato pisa aki. Ambos homber a wordo hiba pa hospital, uno den condicion basta serio.