Diamars Januari 15 2013
Pagina 6
Livio Hermans na e ceremonia na ocasion di re- apertura di Biblioteca Nacional
STA. CRUZ -Livio Hermans a toca piano durante e ceremonia na biblioteca pa e re- apertura oficial di e edificio central na George Madurostraat. Livio a interpreta e dushi himno di Aruba y e wals di Padu del Caribe, titula 'Biblioteca Nacional'. E composicion aki ta riba
un CD di Padu di aña 1994 y for di e tempo ey biblioteca ta consider’e su himno. Dr. Livio Hermans, un gran amigo di biblioteca, ta medico y apotheker, cu un pasion grandi y talento pa piano. Cu 7 aña Livio a haya su prome les di piano cerca Miss Lilian van Dijck. Despues el’ a sigui cu
les cerca maestro Edgar Palm, teoria di musica y en particular ehecucion di musica antiyano. Durante su estudio na Amsterdam el ‘a tuma les di interpretacion di musica clasico di siglo 18 y 19. Durante añanan Livio a duna diferente presentacion riba piano, tanto como solista como acompañante na piano di p.e. ‘Orfeon Crescendo’ di Frank Davelaar na Corsou. Sinembargo su preferencia semper a bay pa acompaña na piano “das Lied”. Na 1995 Livio a saca un CD di composicionnan di Edgar Palm q.e.p.d. como homenahe na e gran maestro aki. Como un lesador y studiante pa bida, Livio ta un bishitante fiel di biblioteca.
Dr. Salazar di Departamento di Salubridad Publico:
Lo bay informa comunidad pa evita y reconoce tuberculosis STA. CRUZ – Dr. Salazar di Departamento di Salubridad Publico ta comenta cu aña pasa na Colegio Arubano a descubri un hoben cu un virus di Tuberculosis. Esaki ta un caso cu a hala hopi atencion den comunidad pa motibo cu tabata teme cu mas hoben por tabata infecta cu e virus aki. E resultado di e otro alumnonan a sali bon como tambe di nan famia. Di mama di e hoben aki so a sali positivo pero a duna tur tratamento necesario pa trata e enfermedad aki. Ta existi un plan nacional di
Tuberculosis den cual lo informa e comunidad debidamente kico pa haci pa evita di contagia cu e virus di Tuberculosis como tambe mester informa comunidad con pa reconoce e sintomanan. Aruba ta un di e pasinan den region cu e indice mas abao cu menos di 1% chens pa haya tuberculosis den cada 100 mil habitante. Mester keda atento si mirando cu nos tin hopi turismo cual por haya hendenan di afor cu kizas por ta infecta, segun dr. Salazar di Departamento di Salubridad Publico.