Diamars November 12 2013
Trailer di musica di Los Laga Bay a pasa keuring
Pagina 7
Relaciona cu investigacion caso Wiels:
Polis a sorprende oficina principal di Robby’s Lottery cu un inval
E investigacion di e asesinto di Wiels ta sigui cana su curso. Hopi hende a wordo deteni di cual mayoria ta yiu di Corsou sea pa interogacion of otro cu a keda deteni como sospechoso. Un di e principalnan alias “Pretu” a mata su curpa den cel di polis. Ayera e team investigativo a sorpresa e oficina principal di Robby’s Lottery cu un inval haciendo un ristramento riguroso. No ta conoci si nan a logra bay cu computer of documento. Desde principio di e e caso e rumornan a circula den e direccion aki, pero e propietario a emiti un comunicado di prensa unda el’a refuta
--DTI ta informa cu riba e dia cu SAC ta duna inicio oficialmente na e periodo di Carnaval 60, esta 11 di November e trailer (oplegger) di musica di e grupo di carnaval Los Laga Bay a pasa e keuring na Keuringslokaal Pos Chikito. Pues e trailer no solamente ta aproba pa core durante e periodo di carnaval pero por core sin ningun restriccion pa loke ta trata e aspectonan tecnico riba camindanan publico. Por menciona cu e luznan parti patras di e trailer ta instala di tal forma cu ora instala a speakernan esakinan lo
no obstaculiza e bista riba e luznan aki. A instala un set di tres luz cada banda, esta luz pa duna cambio di direccion, luz di brake y “backup light”. DTI ta felicita Los Laga Bay y ta spera cu e otro gruponan di carnaval, bandanan of doñonan di trailer di musica lo sigui e ehempel aki y pone nan trailer di musica na ordo pa por pasa e keuring. Un Carnaval sigur ta bienestar di nos tur y DTI ta apoya tur esfuerzo pa haci tur e actividadnan sigur den tur aspecto pa tanto e participantenan como pa publico.
tur acusacion den su direccion. E pregunta ta: Kico por a conduci polis awor pa bay te na oficina di e loteria aki? Lo ta informacion nobo den e investigacion? Hecho ta
cu e team investigativo ta trahando duro pa asina yega na e autor intelectual, esta na es persona cu a paga pa e likida e politico Wiels. (Fuente: Vigilante y foto: Noticia 360)