Pagina 10
Diamars 12 Juli 2016
Defensa di Tesis HBO Bachelor Bedrijfskunde
Ariba Diabierna 1 di Juli 2016, seis studiante (6) HBO Bachelor Bedrijfskunde di Caribbean Academy of Business (CAoB) a defende nan Tesis exitosamente. Nos studiantenan di tempo parcial Harold Lacle, Jenny Geerman y Victorino Alberts (WEB), Antoine Lobato de Mesquita ( Endura Accounting & Advisory Services), Solange Thijzen ( Ernst & Young) y Liscelle Rose ( Advocatenkantoor Gomez & Bikker) a wordo interoga firmemente door di directornan di tesis Bob Smit y na di dos lugar Cees van Orrtsmerssen for di Hulanda. Pa medio di esaki nos kier felicita nos studiante nan grandemente cu nan logro. Door di e estudio di Bedrijfskunde aki, organizacionnan por manda specialistanan prometedor den diferente
departamento upgrade nan mes y bira leader of manager, cu por soluciona problemanan di administración for di nan conocimento cu nan a atkeri den practica na trabao. Studiantenan por tuma te cu seis (6) aña pa caba na estudio. Bo ta mantene e derecho ariba coaching online y acceso na tur facilidad di studiante. Pa esaki no tin costo extra. Bo ta paga solamente 3 aña escolar pero bo por sigui studia 3 aña mas gratuitamente. Studiantenan lo recibi feedback dentro di 48 ora pa nan tarea nan. E estudio aki tin como único estudio un marca di calidas ‘ ITK’ di gobierno di Hulanda y ta positivo ariba tur punto. Tur estudio HBO Bachelor ta NVAO acredita. Esey ta significa cu nan ta rekeri na tur demanda di calidad internationalmente. E estudio ta wordo proba na
e mes reglanan stricto cu estudionan financia. Nos ta para garantia hunto cu nos partner na Hulanda cu tin 90 anja di experiencia y cu casi 20 aña di experiencia na Aruba pa estudio nan di calidad halto. Studiantenan por spera exelencia di nos parti. E resultado di esaki por wordo mira den e accreditacion di tur estudio na nivel HBO Bachelor, Master y Associate Degrees door di NVAO y tambe e evaluación di inspección di educación na Hulanda pa estudio nana riba nivel di MBO. Na September 2016 nos ta cuminsa cu un grupo nobo den un concepto nobo di HBO Bachelor Bedrijfskunde acredita cu yama Blended Learning, caminda e-learning ta wordo combina cu lesnan
local na CAoB na Aruba. Pa medio di esaki nos ta tene na cuenta e studiante nan cu ta trahando fulltime y cu kier finaliza nan estudio completo na Aruba. Nan no mester bay Hulanda.
Pa mas informacion por tuma contacto cu Caribbean Academy of Business na +297 588 0315 of bai riba nos website www.caribbeanacademy.com.