Diamars 10 Mei 2011
Pagina 28
APOSTOLADO MUNDIAL DI FATIMA ARUBA WORLD APOSTOLATE OF FATIMA ARUBA
Nos programa di nobena di Bishita di imagen di La Virgen di Fatima na parokianonan di luna di Mei lo ta como lo siguiente: STA. CRUZ -- Nos programa di nobena di Bishita di imagen di La Virgen di Fatima na parokianonan di luna di Mei lo ta como lo siguiente: 4. Diasabra 7 di Mei 6:00 di atardi for di Misa Sagrado Curason na Savaneta pa Kapel Santa Famia na Pos Chiquito, na yegada di La Virgen lo tin un Santo Rosario. 5. Diadomingo 8 di Mei 6:00 di atardi Salida for di Kapel Santa Famia na Pos Chiquito pa Misa Inmaculada Concepcion na Sta Cruz. Sigi pa un Celebracion di Eucaristia. 6. Dialuna 9 di Mei 6:00 di atardi Salida for di Misa Inmaculada Concepcion na Sta Cruz pa Misa Sta Filomena na Paradera, sigui pa un Celebracion di Eucaristia pa 7:00 di anochi. 7. Diamars 10 di Mei 4:00pm Salida for di Misa Sta. Filomena na Paradera pa Kapel di Alto Vista na Noord, na yegada lo tin un Santo Rosario pa 5:00pm anto e Celebracion di Eucaristia pa 5:30pm. Despues e Imagen di La Virgen lo wordo transporta pa Misa di Noord unda lo termina e anochi cu un Santo Rosario. 8. Diarazon 11 di Mei 9:00 di Mainta Salida for di Misa Sta Anna na Noord pa Misa San Francisco na Oranjestad. Aki devotonan y muchanan
di e schoolnan Catolico di Oranjestad tin e oportunidad pa reza na nos Santisima Mama Celestial. 6:00 di Atardi Salida for di Misa San Francisco pa Misa Fatima di Dakota sigui pa in Santo Rosario 9. Diahuebs 12 di Mei 7:00 pm lo tin un Santo Rosario y despues salida for di Misa Fatima di Dakota e Imagen di La Birgen lo regresa Cas Curason di Maria (Blue Army Center) Na San Nicolaas. Diabierna 13 di Mei conhuntamente cu Fundacion Social Cultural Portugues, Apostolado Mundial di Fatima ta invita tur devotonan pa un Procesion na Honor di La Virgen di Fatima saliendo for di Club Primavera 6:30 pm y regresa bek na Club Primavera unda lo tin un Celebracion di Eucaristia na honor di nos Mama Celestial pa 7:30pm sigi pa uun brindis. Apostado Mundial di Fatima lo pone dos bus disponibel, un pa devotonan di pariba di brug San Nicolas, Brazil y Savaneta y un pa esnan di Noord, Sta Cruz y Paradera. Pa mas informacion por yama Na Cas di Maria 584-5139 of cell 5633393. Ban duna Honor na nos Mama Celestial pa nos sigi ta un Isla Bendiciona.
Accidente cu un herido na Santa Cruz STA. CRUZ -- Diadomingo den oranan di merdia ta drenta informe di un accidente na e salida di warda di polis bieu na Santa Cruz pa Noord di Huchada caminda tin un persona herida di biaha a despacha tanto polis y ambulance. Na yegada di e patruya ta bin constata cu aki preferencia no a wordo duna. Ta trata aki di un Tercel blanco A-21617 para na e T-weg a yega subi caminda net momento cu un van
blanco ta pasando di suid pa bay noord. Di susto e chauffeur di e Tercel a cuminsa haya
leve ataca cual a solicita ambulance pa presenta na e sitio y a hib’e hospital.
Auto a bay plama tras di un pickup na Drive Inn
STA. CRUZ -Diadomingo den oranan di anochi poco pariba di e cruzada di Drive Inn altura di e luznan di trafico pa bay direccion pabao a sosode un accidente cu basta daño material, aki di biaha a despacha patruya. Na yegada di e patruya enberdad ta topa cu e accidente den e fila pa luznan di trafico, aki chauffeur di e stationwagen no a regula su velocidad ni distancia y dal basta bon tras di un pickup. E baki di e pickup a ricibi daño mientras e stationwagen a keda na werki. No tabata tin ningun persona herida. Polis a presenta y traha rapport pa ambos partido.