Dialuna 07 Oktober 2013
Suceso awe24.com
Dilanti Westin Hotel:
Chauffeur no a regula su velocidad, ni mantene distancia y a dal tras di auto su dilanti
STA. CRUZ -- Diadomingo madruga a drenta informe di un accidente dilanti di Westin Hotel na Palm Beach. Mesora a dirigi un patruya pa e sitio. Na yegada di e patruya a bin comprende cu aki ta trata di un accidente cu e chauffeur no a regula su velocidad, ni a mantene distancia y a dal tras di e auto su dilanti. Afortunadamente ningun hende a resulta herida.
Irresponsabilidad of ignorancia?
Ambulance su so ta bay den reverse!
STA. CRUZ -- Cubriendo un incidente nos colaborador y tambe agentenan policial presente na e sitio a experencia con e ambulance SU SO a switch bay den reverse y con esaki a cuminsa haci e zonido di reverse sin cu tin un hende den dje! Tur esaki net e siman aki cu a gaba cu Aruba ta conta cu varios ambulance. Pero awor poco poco e berdad ta sali na cla cu hopi di nan ta defectuoso. Aruba 5 strea!
Pagina 25
Polis a bay controla auto posiblemente laga atras na DOSVA
STA. CRUZ -- Diasabra mainta a drenta informe di cu banda di Club di Douane D.O.S.V.A. desconocidonan a laga un Nissan Sentra atras posiblemente di joyriding. Mesora a dirigi un patruya pa e sitio. Na yegada di e patruya nan a nota cu e auto tabata full cera y cu no tin nada particular cu e auto. Un persona den e area a informa polis cu un rato promer un hende a bin y a habri e bahul di e auto y a saca un jerry-can y bay for di e sitio. Polis a bay na e adres unda e auto ta pertenece y no a logra haya e do単o. Pues muy probablemente gasolin lo a caba cu e auto.