Dialuna December 05, 2011
Pagina 17
LOS LAGA BAI
30 Anniversario y registracion STA. CRUZ -- Los Laga Bai ta di fiesta e aña aki como cu nos lo ta celebrando nos di 30 aniversario, un logro incomparable den Aruba
su carnaval. Pa e motibo aki nos lo kier a participa na tur su fiel participantenan cu diasabra awor dia 10 di December 2011 lo tin
oportunidad pa schrijf in pa carnaval 58. Esaki lo tuma lugar na e lugar di semper cu ta Centro Kibrahacha di 10:00AM pa 4:00PM. Durante e temporada carnavalesco aki Los Laga Bai lo tin diferente premio pa tur su participantenan. E prijs total pa participa cu Los Laga Bai lo ta Awg. 600. E downpayment lo ta Awg. 300. Tene cuenta cu Los Laga Bai lo participa cu al rededor di 400 persona e aña aki. Nos tema pa e aña cu ta bin aki lo ta Piscadornan di Hadicurari cu ta inspirá door di Gershwin Lee y diseña pa e famoso John John Flemming. Bao di e sonido 100% live di Robert Jeand’or y su Solo Banda Show y cu e ambiente incomparable di su participantenan Los Laga Bai un biaha mas lo sa di aporta grandemente
na Aruba su Carnaval. Y mas cu claro nos lo kier a gradici nos sponsornan cu sin nan cooperacion hopi valioso, esaki no lo ta posibel. Nan ta Romar Trading, Albo Aruba N.V., Arubaanse Wegenbouw, A-one Contrator, Wema y CMB. Por ultimo nos kier desea tur nos participantenan y e pueblo di Aruba en general feliz dianan di fiesta di awor caba y nos ta spera di waak boso tur bek riba caminda pa un otro tremendo temporada di carnival. Potret di e costum por wordo mira riba nos website (www.loslagabai. com). Riba nos website
tambe por haña mas informacion tocante Los Laga Bai.