Dialuna September 3, 2012
Pagina 16
Jennifer Lopez: Bikini Mama na Miami STC – Jennifer Lopez di 43 aña a luci un bikini color geel dia 30 di Augustus den e area di pool di un hotel. E artista tabata den compania di su guy Casper Smart y su dos yiunan. Esaki ta net algun hora prome di un presentacion dia 1 di September na Miami. Paparazi nan a logra foto di e momento priva aki di e artista.
Chauffeur di bus particular a pone bida di pasaheronan na peliger STA. CRUZ -- Diasabra mainta a drenta informe di un accidente riba e tereno di busstation na Oranjestad. Mesora a dirigi un patruya pa e sitio. Na yegada di e patruya a bin comprende cu e minister di transporte publico a permiti pa busnan particular haci uso di e tereno di e stacion di Arubus na Oranjestad. E
busnan particular no por pasa e parti panord cual ta e entrada, destina pa e busnan grandi pa motibo di e holnan cu tin. Esey ta pone cu e busnan particular chikito mester pasa na e banda prohibi (pazuid unda e busnan grandi ta sali). Un bus particular chikito a drenta banda pazuid y a bay dal un vuelta pero e
chauffeur no a tene na cuenta cu na e momentonan ey tabata bini un bus di Arubus pasando banda panord. E bus chikito no a tene cuenta cu e mester a para y a bay bira toch dilanti e bus grandi cu tabata pasando. Den ambos bus tabata tin pasahero pero afortunadamente ningun hende a resulta herida. E
chauffeur di e bus particular a start un monton di insulto den direccion di esnan di Arubus yamando nan pa “Monkey”. Na un dado momento e mesun chauffeur ey a halza voz cu polis exigiendo pa polis warda un rato mas pasobra nan ta treciendo su papelnan di seguro. Polis a pon’e na waterpas mesora.