Dialuna Juni 29 2015
Pagina 12
Tur señal ta mustra cu Art Rules Aruba un biaha mas lo lanza cu capacidad completo! Registracion ta habri ainda, sinembargo mayoria di e tayernan a wordo inunda cu aplicacionnan. Un trabao dificil pa organizadornan di e programa kendenan tin e tarea dificil di scoge for di e centenares di carta di motivacion cu nan a ricibi for di aplicantenan cu ta aspira pa bira artista of pa desaroya nan identidad artistico. For di e chef aspirante di 13 aña cu tin e soño di habri su mesun restaurant y cu awor kier participa den e tayernan di Arte Culinario, te cu e bailadornan Super Estelar cu ta buscando un oportunidad pa traha cu e “Master Teacher” di e aña aki, Dwight Cheuk A Lam, kende tambe ta conoci como Amsterdam su famoso coreografo MR. Rebels. Drentando su di 6 aña, Art Rules ta sigui crece den forza, no solamente pa loke ta trata e aplicante- y studiantenan participante pero tambe birando e plataforma mas grandi na Aruba pa produci artistanan profesional hoben. Desde su lanzamento na 2010, Art Rules a inspira por lo menos 40 hoben Arubano pa sigui un educacion of carera profesional den Arte; algun di nan studiando of dunando presentacionnan rond di mundo. E por zona imposible, pero actualmente tin Art Rulers na Milan, Texas, Rotterdam, New York y algun otro ciudad grandi. Orguyoso pa ofrece e programa un biaha mas, cu RBC Royal Bank na mando, e banco aki y hopi otro negoshi local ta responsabel pa sostene e casi 600 hobennan cu a participa desde cu el’a bira e sponsor principal y fiel 6 aña pasa. E deadline pa registracion e aña aki ta dia 10 di Juli y e programa lo cuminsa riba dia 20 di Juli na
e Academy of Arts & Design Aruba. Pa mas informacion bishita www. artrules.org of like Art
Rules riba Facebook/ artrulesaruba Instagram @Artrulesflicks Twitter@ ArtrulesU