Dialuna Augustus19 2013
Pagina 9
Aruba Tourism Authority ta sigui explora plataformanan nobo di promocion
Aruba awor parti di programa “Priceless Experiences” di MasterCard Usuarionan di MasterCard awor ta ser atrae pa bishita Aruba y pa gasta mas durante nan bishita!
STA. CRUZ -- Despues di mas di 1 aña di conversacion intensivo entre Aruba Tourism Authority y e compania Mastercard, unda a explora diferente area di colaboracion, a logra concretiza un otro partnership pa beneficio di nos turismo. Awor Aruba ta e di 4 destino den Caribe, cu tambe ta forma parti di e “Priceless Experiences Program” di Mastercard. Aruba Tourism Authority ta hopi satisfecho y contento cu e logro aki, mirando cu “Priceless Aruba Mastercard” ta un programa cu ta ofrece tur esnan cu tin e kaarchi di Mastercard, experiencia- y ofertanan unico na diferente destino cu ta forma parti di e programa, incluyendo Aruba. “Esaki kier meen cu e personanan cu tin nan kaarchi di Mastercard lo haya diferente oferta, experiencia unico durante nan estadia na Aruba, pero incentivonan cu tambe por stimula nan pa bishita Aruba. Pa medio di e programa aki Aruba lo yega na tur esnan cu tin e kaarchi di Mastercard. stimula nan pa gasta mas durante nan estadia of pa
bishita Aruba. Priceless Aruba tin hopi similaridad cu obhetivonan di Turismo pa cu Aruba unda dos aspecto sigur ta hopi importante: aumenta e cantidad di placa cu e bishitantenan ta gasta durante nan bishita na Aruba y pa
atrae e bishitantenan pa bin Aruba, asina Ronella Tjin Asjoe-Croes, CEO di Aruba Tourism Authority a splica cu un sonrisa di satisfaccion pa e logro aki. Andres Gonzales,VP Territory Head Eastern Caribbean, ta considera esaki como un momento
hopi special pa Mastercard, specialmente mirando cu Aruba awo, ta forma parti di e campaña global di e programa Priceless Experiences” cu ta wordo promociona na ciudadnan grandi, manera: Paris, London, New York, Miami y pa cu Caribe: Puerto Rico, Republica Dominicana, Bahamas y awor Aruba. “E parti importante di Priceless Experiences and Priceless Aruba ta cu nos ta trece turista adicional, pues nos ta aumenta e trafico di turista, door cu Mastercard ta un Global Brand y compania internacional cu tin diferente canal pa activa mas bishitante pa medio di diferente banco rond di mundo. E
beneficio di e programa aki ta, cu no tin niun costo. E ta un programa cu diferente opcion, beneficio, descuento, premio y hopi sorpresa mas y no ta importa si bo ta biba na Aruba, ya cu e programa aki ta usabel tambe na Aruba, unda por haya descuento na varios restaurant, hotel y tienda riba e isla,” asina Andres Gonzales a enfatiza. Definitivamente e programa di Mastercard ta duna acceso pa experiencia algo unico y ta ofrece cantidad di beneficio, awor na Aruba tambe. Aruba Tourism Authority ta masha contento di por a logra e partnership aki cu Mastercard.