Dialuna 17 Januari, 2011
Pagina 15
Motor-brigade un biaha mas ta kita varios scooter y quadracer
Ladron gara ta kibra den auto
STA. CRUZ -- Den fin di siman personal di Motor - Brigade a tene varios control den trafico. Specialmente riba e scooter y quadracer caminda varios hoben ta core sin documento. Mas di cuatro a keda kita pa motibo cu nan no tin plachi di number of no tin ni un documento valido cune. E quadracer a core pa polis na prome instante. Pero nan a logra par’e un paar di minuut mas laat.
STA. CRUZ -- Diadomingo atardi un rupo di persona tabata banda di nan boto cla pa bay pisca. Un di e personanan a bay den auto pa coy algo pero a topa cu un persona kibrando den auto. El’a grita su amigonan. Nan mesora a yega cerca y a topa cu e ladron. Nan a yama polis y a want’e. Na yegada di patruya , nan a bin topa cu e conocido di nan. E ladron aki no a logra horta nada pasobra e doño di auto a
bin gar’e cla pa horta. E doño di e auto a conta cu nan semper ta para auto eynan pa nan bay pisca. Pero e biaha aki a toca nan un poco mala suerte. E conocido di polis aki a dicidi pa kibra e glas di e auto cu un pata di cabra. Pero e no a logra di sea horta of bay cu e auto, pasobra el’a wordo sorprendi pa e doño di e auto. Polis a presenta y a tum’e over. A resulta e conocido di polis, Tico Angela.