Dialuna Oktober 14 2013
Mas auto procedente di ladronicia den mondi na Kurimiau
STA. CRUZ -Diadomingo mainta durante cu Helicopter di polis tabata haci su patruya di tur mainta, nan a señala varios auto procedente di ladronicia den mondi na Kurimiau. A señala un Toyota Tercel berde procedente di ladronicia. Mesora a manda un patruya di Noord na e sitio y
enberdad nan a topa cu e auto aki casi full pluma, faltando varios pieza den e motor tambe sin tire. Flatbom di Nagico a bin busca e auto aki y hib’e warda di polis na Santa Cruz. E auto tabata cla pa ser kima pero esey no a logra. A deduci esaki mirando e paña na e tanki di gasolin!
Pagina 9
Diadomingo mainta
Robby Rosel a inicia su programa di Pasco na Top FM STA. CRUZ -- Segun Robby esaki ta su di 20 aña presentando un programa di Pasco. Robby a haya bishita di varios grupo y hopi yamada. Aki e ta pose cu e integrantenan di Gaita Autentico. Su programa ta tur mainta di 4.30 pa 6.30am y diasabra di 5 pa 7pm y diadomingo di 11:00 pa 2:00 pm. Pabien Robby y sigui entretene nos den e dianan aki prome cu Pasco pa nos drenta den e ambiente di Pasco!