Dialuna 14 Juni 2010
Pagina 8
Auto a bula retonde completo na Playa
STA. CRUZ -Diasabra marduga nos reporteronan ta bin topa un accidente di cual e auto Nissan Sentra A-53544 maneha pa un cabayero poco bebi a subi y bula e retonde completo na Playa. Na momento di nos yegada, e chauffeur a subi un otro auto y move di e sitio. Polis a wordo yama, pero prome cu yegada di polis e cabayero a presenta bek na e sitio cu varios persona mas pa kita numbernan di e auto. Cual tabata e intencion nos no sa. Pero si nos por bisa cu na e sitio tabata tin un security guard cual a laga sa cu NO mester yama polis paso e chauffeur NO kier. Na momento cu nos reportera a avisa e security cu e lo yama polis toch, e security a cuminsa menciona yen di cos manera: "e chauffeur no kier pa yama polis, pakico mester yama polis, no tin mester di haci nada si e chauffeur NO kier, e chauffeur a bay busca un persona pa lastra e auto paso e mes lo take care di e auto y NO tin mester di polis ni seguro pa drecha su auto". Na yegada di e chauffeur y mas persona, e security a bay serca nan y a bisa nan: "kita e numbernan di auto, e muhe a Yama polis" etc. Net na momento cu nan a cuminsa kita e numbernan di auto, polis a presenta. Locual e security no tabata sa, ta cu e persona cu a atende e telefon na Warda a keda cu nos reportera na linja pa keda informa di tur e pasonan di e security aki. Polis a papia cu nos reporteronan(3) na e sitio y despues nan por a sigui
cu nan trabao regular. Mientras cu nan mes a keda atras pa atende e accident como tambe e security. E security aki mester sinja di NO mete den asuntonan cu no ta relaciona cu su trabao.
E ta wordo paga pa cuida e negoshi eynan y no pa mete den trabao di reporteronan mucho menos ta toca na dje pa bisa e hendenan pa kita numbernan di auto etc.
Un mensahe ariba Facebook a causa Joran perde cabes pe comete asesinato
SC -- Den su confesion por lesa cu Facebook tin hopi di haber den e caso di asesinato. Tabata na e momento preciso cu Joran a habri su FACEBOOK cu SOMEBODY, un persona, a mand’e un mensahe: TE VOY A MATAR ! Na e momento aki e contenido di e mensahe mes ta papia di MATAR! Pues mester compronde cu e mensahe aki lo ta HOPI FRUSTRANTE pa Joran. E tin 5 aùa ta hayando mensahenan
di forma igual. Tur pa su propio wega di core pa husticia. Na un momento dado e mensahe aki a drenta na e horario robez. El'a haci cu Joran a splica Stephany cu e ta sospechoso den e caso di Natalee. Stpehany Flores despues di a scucha esaki, lo a haya un rabia den su curpa y a dal Joran un mokete den cabez. Esaki a origina e golpiamento te cu Joran a pasa man pa su camisa y stik e mat'e.