Diahuebs 3 Juni 2010
Pagina 32
Apenas na inicio di e weganan di futbol mundial
DIGICEL A PARTI CANTIDAD DI PREMIO ENTRE FANATICONAN
STA. CRUZ -- , Aruba – 13 di juni 2010: Siendo e patrosinador principal di e transmicionnan di e weganan mundial di futbol den henter Caribe, Digicel a habri e temporada di futbol den gran forma aki na Aruba. E compania di celular cu mas ta
creciendo na Aruba, den Caribe, centro America y hasta den Oceano Pacifico tabata den TGI Friday diabierna ultimo na momento di apertura di e weganan di futbol mundial organisa pa FIFA. E transmicion for di TGI Fridays a bay compaña pa
e programa “La Mania” di Oscar Fernandes atravez di Radio Latina FM. Den fin di siman tambe Digicel tabata hunto cu Telearuba den su transmicionnan tur rond di Aruba y a parti cantidad di premio, manera tas, bala di futbol y T-Shirt di FIFA. Di e forma
aki Digicel ta subraya su compromiso cu e deporte rey den henter Caribe, esta futbol. No solamente durante e temporada di futbol mundial, pasobra aki na Aruba tambe e compania ta patrosina mas di un team di futbol, mientras cu den hentrer e
region aki nan ta patrosina e Digicel Caribbean Cup, un di e campeonatonan clasificatorio pa CONCACAF. Riba e fotonan adhunto por aprecia e ambiente den TGI Fridays durante e prome wega di e copa di mundo.