Dialuna Mei 12 2014
Pagina 6
Criatura di 4 aña haya despues di 15 minuut den fondo di pool
Rocky “Balboa” Kelly, Bo ta un heroë
Diasabra atardi a sosode un caso lamentabel na un fiesta di mucha na Parke Arawa. Aki un criatura di 4 aña di edad a wordo haya den e fondo di e pool. E criatura segun testigo tabata tin como 15 minuut den fondo. Mesora a bati alarma, avisando Polis y Ambulance. Personanan na e fiesta mesora a sacaemucha for di e pool y un dama aparentemente a dune cpr. E criatura no tabata halando rosea e momento ey. Despues di algun rato el’a medio bin bi, y nan a keda papia cune te ora ambulance a yega. Dos Ambulance a yega y mesora paramediconan a waak seriedad di e situacion. Mesora nan a prepar’e y ambos ambulance a sali hunto pa hospital cu urgencia. E criatura su situacion ta bastante serio.
Sr. redactor masha danki pa e espacio concedi. Den concepto di Comision Salba Aruba, sr. Rocky Kelly a wordo deteni puramente pa motibonan politico y nada mas. Period. Dicon den añanan 2007/2008, Husticia no a laga detene integrantenan di A.V.P. pa: 1. Pegamento di candela delanti di porta di Bestuurskantoor. 2. Pa destruccion di porta di Bestuurskantoor. 3. Ceramento/ blokiamento di cayanan. 4. Blokiamento di Waf y Aeropuerto perhudicando asina nos turismo. 5. Kibramento di baricada y pushamento di polis. 6. Esaki si lo tabata devastador pa Aruba si el ‘a wordo ehecuta. Durante e accion di e sindicatonan pa indexering na aña 2008, un lider sindical hopi yega na A.V.P. tabata cana cu e idea rond, pa den oranan di atardi obstaculiza un avion di pasahero Americano di ateriza na aeropuerto di Aruba. E plan tabata pa ora e avion aki ta acercando aeropuerto di Aruba, convence e huelguistanan pa nan dirigi nan mes banda di Aruba Bank na Camacuri. Segun e lider sindical ey, di eynan nan mester bay corta e waya di e tereno di aeropuerto, despues pa drenta e tereno di aeropuerto, core subi e pista di aterizahe y pa di e manera aki obstaculiza e avion di baha. E meta tabata pa pone e Minister President di e tempo ey sr. Nel Oduber bao di enorme presion. Si ta necesario, Comision Salba Aruba, lo divulga e nomber di e sindicalista ey. E tempo ey si, Husticia NO a laga detene ningun integrante di A.V.P. Tur hende tabata na altura ta kendenan tabata e autornan di e actonan terorista ariba menciona. Pa A.V.P. cu tabata den oposicion e tempo ey, nos industria turistico NO tabata conta, pasobra ta Gobierno di M.E.P. tabata na mando. Anto awor si e Gobierno aki di A.V.P. ta exigi pa tene cuenta cu nos industria turistico. Esun cu sembra
biento ta cosecha orcan. Den concepto di Comision Salba Aruba, anytime nos mester tene cuenta cu e industria turistico. Ongeacht cual Gobierno ta na mando. Den e caso di sr. Rocky Kelly, e unico culpabel ta nos flamante Minister President sr. Mike Eman. Pakico? Pasobra; 1. El’ a comete fraude electoral (engaña henter e pueblo). 2. E ta violando nos constitucion. Te ainda e NO a contesta preguntanan oficial di sra. Xiomara RuizMaduro regardando su amistad intimo cu e criminal di mas grandi di Colombia sr. Kiko Gomez. 3. E NO tabata tin e decencia di contesta e manifesto cu e Grupo di Siete a entrega na su persona. 4. Contra e deseo di miles di firmantenan toch e ta firma pa e molinanan di biento bini na Urirama. Aparentemente esaki ta e causante cu sr. Rocky Kelly su fuse a bula. Mescos cu pueblo ta fada y harta di e Gobierno aki, sr. Rocky Kelly tambe lo ta. Pa nos Comision, Rocky “Balboa” Kelly ta un heroë. Pueblo ta orguyoso di dje. E Gobierno aki mester bay cas mas pronto posibel. Ariba tur tereno nan ta fayando barbaramente. Por ultimo, sra Desiree De Souza-Croes, next time ora bo dirigi bo mes na e lider di M.E.P. spula bo boca hopi bon prome. Bo tin hopi pudor di exigi pa Ministerio Publico bay detene sra. Evelyne Wever-Croes, lider di e prestigioso partido politico Movimiento Electoral di Pueblo. Bo ta insinuando cu ta sra. Evelyne Wever-Croes lo a instiga sr. Rocky Kelly pa bay cende e tirenan na candela. Anto awor bo kier bay influencia Ministerio Publico tambe pa laga detene Evelyne. Sra. De SouzaCroe, esaki pa bo informacion, nos heroë sr. Rocky “Balboa” Kelly ta un fiel votador di P.P.A. Sra. bo mester ta birando loco. Ta guera civil bo ta desea di fomenta aki na Aruba? Por fabor, stop di hunga cu candela. Boso baha pa caba y bay fierno. Period. Comision Salba Aruba.