Diahuebs Juli 11 2013
Pagina 14
Vakantie grandi na biblioteca STA. CRUZ -- Biblioteca ta organiza 2 programa special pa mucha durante vakantie grandi. Esaki ta un temporada cu hende tin poco mas tempo pa lesa. Ta spera cu tur miembro di biblioteca ta pasa busca mas boeki den e dianan aki. Pa mucha tin un programa di lesamento, tres siman largo. Tambe ta pasa pelicula pa mucha den aire liber. Biblioteca Nacional Aruba ta invita tur mucha hunto cu amigo y amiganan pa bin disfruta di anochinan di pelicula na aire liber durante vakantie grandi. Ta cuminsa e siman aki cu ‘Escape from Planet Earth’ dianan 10 & 11 Juli, ‘Wreck it Ralph’: 17 & 18 Juli, ‘Rise of the Guardians’: 24 & 25 Juli, ‘Kung Fu Panda’: Legends of Awesomeness: 31 Juli & 1 Augustus y por ultimo Hotel Transylvania: 7 & 8 Augustus. Tur diarazon na sucursal San Nicolas y tur diahuebs na biblioteca na Playa cuminsando pa 7’or di anochi (patras di e edificio). Tin un skina di coy pasa boca cu Popcorn,
MADURO HEAVY EQUIPMENT N.V.
Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa
Tereno, Coba Pos y Fundeshi. ROOI BOSAL 49 TEL.: 585-1708 FAX.:585-6299
Pan cu Hotdog, Mangel y Chips y un skina di Refresco y Juice. Entrada ta solamente un sonrisa! 50 mucha actualmente ta participa den e programa di lesamento, tanto na Playa como na San Nicolas. Muchanan entre 7 cu 12 aña ta lesando un boeki tur siman te cu fin di Juli. Cada siman riba e diarazon of diahuebs na un orario stipula cada mucha ta bay biblioteca bek pa conta algo di e boeki cu el’ a lesa y ta ricibi un regalito como un estimulo pa sigui lesa. Cupo pa e programa aki ta yen. Durante vakantie grandi biblioteca na Playa ta habri diarazon anochi te 8’or, pero e otro dianan biblioteca ta cera 5’or. Biblioteca na San Nicolas ta habri diahuebs te 8’or y tur otro dianan te 5’or. Pa tur anuncio y noticia por bishita e website www.bibliotecanacional. aw y e fanpage riba FaceBook. Tambe ta posibel pa reacciona riba ‘posts’, laga comentario of feedback y cuminsa un discusion. Y por haci pregunta. Ainda por
bishita e exposicion di potret ‘E lesado’ na biblioteca den G. Madurostraat 13. Un pabien na tur studiante cu a bay over of a gradua y ta goza di un vakantie bon mereci. Ta spera studiantenan bek na Augustus dia school habri. Pa un y tur biblioteca a haya bastante boeki nobo den su coleccion. Un invitacion ta bay pa tur hende pa bishita biblioteca den vakantie.