Diahuebs 5 Mei 2011
Pagina 23
Pista y Coredornan Internacional ta cla pa e
GRANDIOSO FREESTYLE MOTORCROSS SHOW E FIN DI SIMAN AKI
STA. CRUZ -- Diarazon atardi miembronan di prensa a haya e oportunidad pa mira di cerca e pista cu a wordo traha den Joe Laveist Sportpark specialmente pa e Freestyle Motorcross Show. Tambe a logra di papia cu dos di e cuater coredornan international. Tur esaki ta relaciona cu e gran espectaculo cu lo bay tuma lugar diabierna awor dia 6 di Mei, diasabra dia 7 di Mei y diadomingo dia 8 di Mei. E espectativanan y emocionan serca grandi y chiquito ta hopi halto pa e evento aki mirando cu ta cu tiki frequencia tipo di espectaculonan di accion aki ta bin Aruba. Hopi di e coredornan internacional tin nan fanaticonan debi cu nan ta participa den e famoso X-Games. For di siman pasa e coredornan Matthew Buyten y Kenny Bell a yega Aruba pa asina nan mes cordina e trahamento di pista profesional y supervisa e transportacion di e rampanan cu a bin for di exterior pa e evento aki. Carchinan ta bayendo hopi liher rond di Aruba na Valero Palm Beach, Valero Ponton, Valero Boulevard, Valero Santa Cruz, Valero Essoville , Welcome Snack, House of Cakes Savaneta y X-Cycles Savaneta. Tambe e seccion di VIP ta casi sold out. Pa VIP tickets mester yama na 594-6906. Mester mencioan cu mayornan ta hopi contento cu organisadornan ta permiti dos mucha bou di 12 aña drenta cu un carchi. Durante e ultimo
simanan e coredornan local di quadracer a sa di prepara hopi duro riba e pista na Grapefield
y lo mustra nan skills durante e show aki. Pa diabierna e otro dos coredornan internacional tambe lo ta presente cual ta Jimmy Fitzpatricky Julian D’usseau. Hunto cu e coredornan local di quadracers nan lo monta un espectaculo di accion riba e pista den Joe Laveist na San Nicolas. Diabierna e evento ta cuminsa pa 8 or di anochi, Diasabra 7 or y Diadomingo 7 or. Tur anochi e show lo tin un duracion di no menos cu 4 ora!