Pagina 24
Diahuebs 28 November 2013
Deporte Escolar organiza pa IBiSA ta continua:
Weganan interesante di futbol mucha muher di Ense単anza Avanza ta tumando lugar Instituto Biba Saludabel y Activo, IBiSA ta sigui cu su competencianan di Deporte Escolar cu tin riba calendario. E competencia di futbol mucha muher pa e sector di San Nicolaas den categoria Ense単anza Avansa a tuma lugar riba tereno di La Fama na Savaneta. Den e prome wega EPB San Nicolaas a enfrenta e muchanan di Abraham De Veer School. E prome mitar di
wega e muchanan di EPB San Nicolaas a sali hopi agresivo riba tereno y a sa di anota 3 gol. Mientras cu den e di dos mitar, e hobennan di EPB San Nicolas a sigui cu bon hugada y ta anota dos gol mas pa asina bay cu e victoria cu score final di 5-0. Weganan cu a sigui despues tabata entre Abraham De Veer y John Wesley College. Ambos ekipo ta logra anota 1 gol
den e prome mitar di wega, y ta drenta descanso cu e wega empata na uno. Den e di dos mitar e muchanan di John Wesley College a sa di anota un gol mas y asina ta gana e wega cu score di 2 pa 1. E fuerte equipo di EPB San Nicolaas y John Wesley College a topa otro. Den prome mitar di wega, un biaha mas e hobennan di EPB San Nicolas a demostra cu nan tin un
bon ekipo y a sa di pica dilanti cu score di 1-0. Asina tambe e prome mitar a bay den descanso cu score di 1-0 na fabor di EPB San Nicolas. Den e di dos mitar di wega, ambos ekipo a lucha, pero ningun di dos ta anota mas gol. E wega ta termina cu score di 1-0 na fabor di EPB Hato cu a sa di termina e torneo aki na prome lugar, cu 2 wega gana y 0 wega perdi. Mientras cu na di
dos lugar a keda John Wesley College cu 1 wega gana y 1 wega perdi, lagando asina Abraham De Veer na di tres lugar cu 0 punto. Di e forma aki, EPB San Nicolaas y John Wesley College ta pasa tambe pa e weganan di final nacional den futbol mucha muher di Ense単anza Avansa organiza pa IBiSA.