Pagina 24
Diahuebs 25 April 2013
Small Business Week a yuda Jessica Rosel dicidi tocante su futuro y desaroyo di su negoshi STA. CRUZ -- Jessica Rosel tabata tin su compania specializa den Administration and Consultancy pa nuebe aña, pero e tabata sinti cu e kier mas y e por mas pa su negoshi. Semper den planeamento di un negoshi ta importante pa tuma e prome paso y esaki sra. Rosel a haci ora cu el’a inscribi pa Small Business Week 2012. E evento aki, organiza pa Minister di Asuntonan Economico,
Asuntonan Social y Cultura, Michelle Ho oyb oer- Winklaar, a wordo hustamente crea pa motiva futuro entrepreneurnan pa cuminsa cu negoshinan micro, chikito y mediano y pa incentiva esnan cu ya tin un negoshi pa explora nan oportunidadnan y expande nan negoshi. Jessica Rosel tabata sa cu e ta bay haci un cambio pronto y hasta a considera
otro tipo di negoshi, te ora el’a wordo acerca pa Michael Eckmeyer, kende tin 21 aña di experiencia den e mesun ramo cune. Eckmeyer tabata pensando con pa cuminsa di nobo despues cu Valero a cera e refineria y e tabata entre e empleadonan cu a bay cas. Rosel a pens’e bon, el’a corda riba algun di e topiconan cu a wordo discuti na
Small Business Week y hunto cu Eckmeyer a cuminsa haci plan pa nan negoshi nobo, cual a resulta den e compania nobo ECKRO Administration and Consultancy. Nan a bay IDEA, cual ta un otro servicio crea pa Minister Hooyboer-Winklaar pa brinda guia, apoyo y sosten profesional gratis na (futuro) negoshinan micro, chikito y mediano. Cu e inspiracion cu el’a haya durante Small Business Week, combina cu e guia di IDEA, Rosel a bira doño di un eenmanszaak pa bira co-proprietario di un Naamloze Vennootschap (N.V.) hunto cu Michael Eckmeyer. Minister Hooyboer-Winklaar a sinti su mes sumamente
honra di a wordo invita pa efectua e apertura di ECKRO Administration and Consultancy hunto cu su doñonan. E mandatario a keda impresiona cu nan energia positivo y determinacion pa usa nan talentonan pa crece den negoshi. El’a expresa cu e ta admira nan forma di plania - con Sra. Rosel a usa e informacion cu el’a ricibi na Small Business Week y aplica esaki di biaha y tambe cu nan a consulta IDEA na e momento husto. Minister HooyboerWinklaar ta contento di por a contribui na e establecimento di ECKRO y e progreso y desaroyo di dos profesional local pa medio di iniciativanan di su ministerio.