Diahuebs December 12 2013
Departamento di Labor lo ta cera diabierna merdia --Departamento di Labor y Investigacion lo ta cera diabierna 13 di December for di 12’or di merdia pa publico. Esaki relaciona cu un reunion interno cu tur miembro di personal. Dialuna 16 di December 2013 lo ta habri normal atrobe di 7:30 am pa 12’or y di 1’or pa 3:30 pm. Di antemano DAO ta pidi disculpa pa cualkier inconveniencia.
Polisnan a core controla luganan cu auto horta ta keda atras Polisnan di San Nicolas Diamars 01.00 a Sali pa controla luganan conoci cu ladronnan ta laga auto horta atras. Polisnan a controla den e mondi tras di Misa di Brasil,pero eynan nan a topa cu un pickup shinishi A-38817 completamente sera na yabi y entacto. Na haltura di ex kleuterschool panort di e scol, tabatin un homber sinta. El a bisa polisnan cu e ta sinta sosega un tiki pa e sigui cana bay cas. Veld di Heineken tambe a wordo controla, pero no tabatin nada particular. Tambe Polisnan a controla e dos veldnan den bisindario di Centro Bario Brasil, pero nada particular. Polis a controla tambe den vecindario di Sabana Basora Noord. Na haltura di oficina di Polis di bario y e santana no tabata tin nada particular. Na haltura di Isla di Oro, Polisnan a mira un Toyota blauw A-11419 para cu tabata na yabi.
Pagina 5
Gerencia di Departamento di Impuesto
Tarifa excepcional di 15% riba e pago di terminacion di pensioen (afkoop pensioen) lo termina entrante 1 di Januari 2014 Na comienzo di e aña aki Minister di Finanzas a publica un maneho faborabel (begunstigend beleid) encuanto e tarifa excepcional (bijzonder tarief). Meta di esaki tabata pa na momento di ciere di e raffinaderia VALERO, suaviza e peso di e impuesto ariba salario (loonbelasting) pa e trahadornan di Valero na momento di ricibi nan pago di retiro y e pago di
terminacion di pensioen. Na e ocasion aki e tarifa especial a wordo reduci for di 25% na 15%. Minister di Finanzas a dicidi cu entrante 1 di Januari 2014 e tarifa excepcional di 15% riba e pago di terminacion di pensioen (afkoop pensioen) lo termina. Nos ta pidi tur nos clientenan pa tene bon cuenta cu esaki.