Diabierna 8 April 2011
Skyline a keda total los despues di a dal riba truck
STA. CRUZ -- Diahuebs den oranan di mainta a surgi un accidente basta fuerte riba L.G. Smith Blvd altura di Talk of the town caminda un skyline a perde control dal riba un truck di carga y dal riba auto y keda total los.
Mientras cu e personalnan di Visibility Team tabata den vecindario a bin topa cu e accidente aki y di biaha a cera caminda pa desvia e trafico y a notifica central tocante e accidente pa asina dirigi patruya di trafico bin tuma relato di e accidente. Na yegada por a tuma nota di un skyline completamente kibra na su banda drechi. Por a comprende for di e chauffeur cu ta biniendo di pariba for di e rotonde las americas pa bin direccion playa den e bocht di e rotonde e mester a topa cu poco santo riba caminda a pone e tirenan patras cuminsa draai pone auto bira bay den direccion contrario y aki e chauffeur a perde control na stuur dal na un truck di carga biniendo di pabao y bay touch cu un bumper di un pickup. Afortunadamente ningun persona herida pero si daĂąo material tabata grandi.
Pagina 25
Chauffeur a bira malo na stuur y drenta rooi na Warawara
STA. CRUZ -- Diahuebs den oranan di atardi a drenta informe di un accidente cu persona pega den auto den e rooi na Warawara. Di biaha a despacha ambulance, materialwagen y polis cu urgencia pa e sitio. Na yegada di e patruya policial a topa cu un suv Ford V-2092 den e rooi. Aki un turista masculino
di edad a bira malo tras di stuur y a perde control y cay den e rooi. El’a dal su curpa na e stuur. Personal di ambulance na e sitio a cuminsa cu CPR na e victima cu no tabata reaccionando mucho bon y cu urgencia mester a hibe hospital. Mientras autoridadnan ta investigando esaki.