Diabierna Oktober 07, 2011
Pagina 20
Un grupo anima a disfruta di e 6K di Asociacion di Fisioterapeutnan di Aruba STA. CRUZ -- Den fin di siman tras di lomba Asociacion di Fisioterapeutnan a organiza un tremendo 6K Fun Walk & Run gratis pa comunidad di Aruba. E ruta di Fisherman’s Hut pa Arashi a conta cu un participacion hopi grandi di canado y coredo cu a haci di e atardi aki un exito rotundo. E grupo anima di canado y coredo a disfruta di e atardi, un bahada di solo bunita y e dushi ruta sin duda. Na final tur participante a haya Powerade, awa y
tips y guia pa stretch na final di un trayecto largo asina. Tur participante na e actividad aki a keda sumamente contento cu e servicio y trabao di e fisioterapeutnan ofreci e dia aki. Asociacion di Fisioterapeutnan di Aruba ta sigui traha na bienestar di comunidad y ta recorda nos hendenan cu “Bo salud ta den bon man” cu Asociacion di Fisioterapeutnan di Aruba y ta motiva comunidad pa sigui haci movecion y biba un bida activo pa keda saludabel. patia pa recobra energia despues di a cana, core y ehercita. Asociacion di Fisioterapeutnan di Aruba ta gradici tur participante un biaha mas. Cu e actividad aki, Asociacion di Fisioterapeutnan di Aruba ta haci nan mes conoci na comunidad pa nan trabao cu nan ta eherce, conseho y guia cu nan por duna na deportista, atleta y tur demas persona. Na final di luna di Augustus, Asociacion di Fisioterapeutnan di Aruba a participa tambe na e “Half Marathon” cu Thrill Walkers S.V. a organiza pa participantenan di META-Fit su programa di salud 2011. Na e actividad grandi aki e asociacion a contribui cu varios fisioterapeut na duna masashi, conseho,