Pagina 20
Diabierna 7 Februari 2014
Noticia Local Despues di un careda caritativo
Radisson ta presenta Casa Cuna Cas di Mucha cu un donacion Palm Beach -- Riba dia 14 di December, 2013, mas di trinta colega di Radisson Aruba Resort Casino & Spa a participa den un careda caritativo. E ganador, Manuel Reyes, recientemente a disfruta di e honor distinto di por presenta un check na e representantenan di e instancia caritativo cu el a scohe, esta e Cas di Mucha Casa Cuna. E careda a conclui un reto
interesante di henter un a単a largo, den cual e Gerente General atletico di e resort, esta Mark Lyttleton Frances, a encurasha y convence miembronan di e comision ehecutivo y empleadonan pa bira fit y sano, y tene nan mes na un estilo di bida saludabel, cu ehercicio diario. Durante e a単a, e resort a tene un cantidad di careda, cualnan tur a wordo gana pa e gerente general, pero
finalmente, den e careda decisivo cu a tuma luga na final di e a単a, dos miembro di e departamento di Pool & Beach a gana riba dje, haciendo cu e gerente general a keda na e di tres luga, cu Chaim Alvarez na di dos y Manuel Reyes na prome luga, marcando e miho resultado den 5k cu 21:10. E ceremonia di premiacion y donacion tan anticipa a tuma luga na e resort.
E representantenan di e cas di mucha a acepta e donacion y tabata sumamente agradecido, y e ekipo di Radisson a mustra considerablemente mas flaco y sano, cual ta un logro cu tabata aprecia y elogia pa e gerente general, kende su mision a wordo cumpli. Tambe riba e programa pa e atardi aki tabata un pelicula cortico entretenido cu a wordo filma durante e
GM Charity 5k Challenge, como tambe e gran anuncio di e plan pa e siguiente careda riba dia 29 di Maart, cual lo ensera un caminda mas largo rond di e seronan di e Kapel di Alto Vista. Aki por mira e participantenan ricibiendo nan certificadonan, for di Gerente General Mark Lyttleton Frances, kende ta orguyoso di nan logronan.