Diabierna November 29 2013
Pagina 10
Palamentario di MEP, sr. Guillfred Besaril:
Prome reunión di Comision Special “Ambudsman”
Polis a detene homber sospechoso cu kier a hinca su victima Presencia di Polis a wordo pidi diamars 11.45 riba e caminda entre Hyatt y Occidental Hotel pa un bringamento. E sospechoso a keda deteni pa personal di K9-unit. E testigo a bisa cu e sospechoso tabatin un cuchiu hunto cun’e pero ora cu K9-unit a yega, el’a benta e cuchiu riba dak di e edificio di Palm Tours. Un Polis di Visibility Team a subi riba e dak y a haya e cuchiu y a confisk’e. Dos testigo a acerca Polisnan y ta declara cu e sospechoso ta e conocido "Halley", y el a dal e victima conoci como "Jesus" algun mokete den su cara. El’a coy e cuchiu y a purba hinca Jesus cun’e. Jesus mesora a core bay y a drenta e oficina di Palm Tours. Segun testigo Halley a keda para pafor cu e cuchiu den su man. Ora cu el a mira Polisnan yega, el’a benta e cuchiu riba dak. Polisnan a hiba e sospechoso warda di Shaba.
--Dia 21 di November ultimo a tuma lugar e prome reunion di e Comision Special pa implementación di un Ambudsman Nacional di Parlamento di Aruba. “Ambudsman” ta un Palabra Sueco cu significa “e Defensor di Pueblo”. Ambudsman ta un autoridad cu ta encarga su mes di salvaguardia e derechonan general di e habitantenan di un País. E Ambudsman ta ópera independiente di Gobierno of Staten y ta un función cu ta procedente di e Constitución di Zweden cu a stablece e figura
aki desde 1809 como respuesta inmediato pa e habitantenan contra abuso of casonan difícil pa soluciona vía e canalnan burocrático of Judicial di nan País. Aki na Aruba, enbista di e importancia y balanza cu Esaki lo trece cune, a lanta un Comision Special di Staten pa asina atende cu e tema “Ambudsman”. “Pa mi ta definitivamente un honor pa ta partí di e comision aki” según Parlamentario, sr. Besaril. “MEP tin un visión den ki forma nan lo kier mira e institucion “Ambudsman” funciona den nos estado
democratico. Otro partidonan na mesa tambe tin di nan, pero loke ta realmente importante den e caso specifico aki, ta cu tur Fracción den Staten ta sinti e importancia di e implementacion di e organo aki. “Esaki tabata apenas e prome reunión pa por delinea den ki forma e Comision lo atende cu e tema. Nos ta carga e speranza si di por termina pronto cu e trabao necesario, pa realización di un “Ambudsman” pa Pais Aruba.” sr. Besaril a termina.