Diabierna Januari 24 2014
Pagina 6
DEA vigilando baronnan di droga na Aruba Informacion di fuentenan a pone nos redaccion na altura cu DEA ta na Aruba pa asina sigui stapnan di algun baron di droga. Nos a bin comprende cu Aruba ta e centro di baronnan di droga pa tene nan reunion di compra y venta y traficacion. Recientemente nan a sigui algun movecion pisa di algun baron te cu a conduci nan na un boto cu ta staciona na Renessaince Market Place, banda di e Casino di Seaport. Nos a
bin comprende cu DEA lo tabata cla pa haci algun aresto, pero lo a prefera di no haci e aresto na Aruba, mirando e embergadura di e caso. Sinembargo e boto lo a sali di Aruba y a wordo sigui pa DEA. Tin tur indicacion cu DEA lo por bay over na detencion di e zware jongensnan aki ariba lama internacional, pasobra esaki lo facilita cu nan por transporta nan pa teritorio Mericano, por ehempel Puerto Rico, sin tin mester di cay den ningun
Hefe di polis na Curaçao lo wordo investiga pe caso di horcamento di Pretu Relaciona cu e caso Wiels, hefe di polis di Curaçao Wernet lo wordo investiga un vez mas. Dia 13 di December a bolbe instala un otro comision pa investiga e hefe di polis. Tur cos ta draai cu riba dia di asesinato di Wiels, aparentemente tin cierto tap di telefon cu ta compromete e hefe di polis. No solamente esey, pero tambe den e morto di Pretu den warda di polis, unda cu e lo a horca su curpa, tin declaracionnan di hefe di polis cu ta contradictorio, o sea e ta contradeci su mes.
E hefe di polis aki a wordo suspendi. E siman aki el’a bay corte pa asina e por wordo poni bek na trabao. Su abogado mr. Fortin a bisa cu Gobierno a hiba un defensa cu e no por bay traha bek awor, pasobra mester warda resultado di e di dos investigacion. Mientrastanto cu e caso ta bao investigacion, e ta creando duda cu e hefe di polis lo por tabata sa algo riba e asesinato di Wiels y ta sigui relacione cu declaracionnan contradictorio.
sorto di wega legal cu husticia Hulandes of abogadonan cu na hopi ocasion ta sea tarda e extradicion of te hasta ta logra convence huez pa no extradita tal sospechoso. Nos redaccion a haya te hasta nomber di e boto, pero nos no por publica esaki awor. Hecho ta cu e ultimo dianan tras di lomba, DEA ta na Aruba y ta siguiendo varios deal di baronnan cu ta deal den narcotica