Pagina 19
Diabierna 20 September 2013
Mr. Nintendo a fayece na edad di 85 aña STA. CRUZ -E compania Nintendo a duna di conoce, cu e comerciante Japones Hiroshi Yamauchi, cu pa mas di 53 aña tabata sa di maneha e fabrica di Wega Nintendo, a fayece diahuebs na edad di 85 aña. Durante cu Yamauchi tabata manehando e compania Nintendo, e compania aki a traha hopi wega cu tabata exitoso, manera Super Nintendo, cu den su tempo tabata un di nan mas exitoso. Bao maneho di Yamauchi, e bisanieto di e fundador di e compania Nintendo, a transforma
Nintendo cu tabata un compania cu tabata traha wega di carta te na e fabrica mas grandi na mundo, cu ta traha videogames. Nintendo a cosecha hopi exito cu e weganan di computer di Wii, Nintendo DS y tambe cu e weganan manera Super Mario, Donkey Kong y Zelda. Na 2002 Yamauchi a pasa e maneho na e top actual di e compania Sr. Satoru Iwata, mientras Yamauchi a keda pa algun aña mas fungiendo como consehero di e compania. Na 2008 Yamauchi a wordo nombra como
e persona mas rico na Japon, cu tin un mas cu 8 miljard dollar na capital. Na aña 2007 su capital a baha basta pa motibo di concurencia di e compania Sony cu su weganan di computer. For di aña 1949, Yamauchi a tuma e compania di su tata over y e exito a bin despues hopi intentonan fracasa, entre otro produciendo diferente coy hunga. Tur e experiencianan di pasado Yamauchi a usa den su strategia pa yega na un compania exitoso. Na 1980 Nintendo a trese riba Mercado wega
di computer simple cu muchanan por a tene den nan man y simple pa hunga cune, despues di 5 aña e wega Super Mario Bros a wordo introduci, cu tabata un exito hopi grandi internationalmente. Yamauchi a haci e Compania aki bira asina
exitoso, cu for di añanan 70 caba e compania no tabata tin mester di niun prestamo y cu te awendia e compania aki ta mantene e principio di no hasi prestamo y asina ta keda mantene mas cu 8 miljard dollar den caha.
Aruba Softball Bond Playoff Final di ASB, diamars 24 di September pa 8:00 pm na veld di Kudawecha