Pagina 29
Diabierna 20 Juni 2014
SOLO Local..... Federation di Atletismo di Aruba A.A.B. ta organisa e di 7 edition di e
Dutch Caribbean Age Group Championships in Athletics cu paticipacion di Boneiro, Corsow, Saint Martin, Suriname y Aruba. Riba dianan 27 y 28 di juni proximo e federacion di atletismo di Aruba, Arubaanse Atletiek Bond (AAB) ta organisa e di septimo asina yama Dutch Caribbean Age Group Championships in Athletics aki na Aruba. Un competencia cu participacion di e islanan di ex- Antiyas Hulandes pa atletanan den e edat di 11 te cu 14 anja tanto mucha muher como mucha homber cu ta wordo organisa cada dos anja. E atletanan lo competi tanto individualmente como den forma di un team representando nan
respectivo pais. Durante e proximo edition di e Dutch Caribbean Age Group Championships in Athletics e paisnan participante ta Boneiro, Corsow, Sint Maarten, Aruba y pa di prome biaha Suriname cada uno cu por lo menos 4 atleta. E programa di competencia ta cuminsa diabierna atardi pa 5.00 or cu e apertura oficial cu desfile di e paisnan participante, despues di cual e competencia lo cuminsa cu caredanan di sprint 60 y 80 meter, bula halto, tira bala, “hurdles”
y core distancia largo. Diasabra riba e di dos y ultimo dia di competencia lo tin competencia di bula leuw, pusha bala y tambe e punto culminante cu ta e famoso careda di relevo (estafette) entre e paisnan. Parti anochi lo hasi entrega di e diferente premionan na e ganadornan y lo anuncia cua pais ta e ganador absoluto. Aruba siendo e pais huesped lo ta compitiendo cu dos team Aruba 1 y Aruba 2 cu ta consisti di atletanan miembro di e diferente clubnan di atletismo y cu a wordo prepara pa e dos coachnan principal cu ta Ericko Pieternella y Richard Luidens.
E Team Aruba 1 y Team Aruba 2 ta consisti di e siguiente atletanan: den categoria di "11 cu 12" aña Denise Brouwer, Eugeney Rosario, Raiylin Geerman, Jaycee Espinal, Chrisma Laquerre, Dylan Ashby, Aimar Erasmus, Beau Broekaart y Stanley Van Gaalen. Den categoria di "13 cu 14" aña Toni-Lisa Brown, Aureen Lampe, Davenka Duncan, Naomi Richardson, Zaika Kock , Wuil Vrolijk, Jahleel Heemstad,Trevor Faro y Tyrell Wanga Arubaanse Atletiek Bond ta invita henter pueblo pa bin apoya tur e atletanan y muy e particular esnan
di Aruba. Alabes ta desea e atletanan hopi exito durante e competencia. Apertura oficial cu coremento cu antorcha, desfile y prome parti di e competencia lo tuma lugar pues diabierna 27 di juni pa 5.00 di atardi den Compleho Deportivo Guillermo Trinidad na Dakota. E programma lo sigui diasabra dia 28 pa 8.00 mainta y lo culmina cu un tremendo competencia di relevo (estafette) entre e paisnan. Arubaanse Atletiek Bond di e forma aki ta gradici di antemano tur e diferente sponsornan pa nan cotribution
FOR SALE BY OWNER
Modelo: MW 523i 1995 modifica , power window, power steering, power breaks, 18 inch mc rims, M-Tech front bumber a service un luna pasa Afl. 11000,- O.B.O. Yama : 5694343 . sintonisa canal 22 8:30 pm y mira un video shoot